Моҳи май дар шаҳри Бохтар Форуми сайёҳии «Хатлон – 2026» баргузор мешавад
ДУШАНБЕ, 28.02.2026 /АМИТ «Ховар»/. Моҳи майи соли 2026 дар вилояти Хатлон баргузориии Форуми сайёҳии «Хатлон – 2026» дар назар дошта шудааст. Соҳибкорони тоҷики муқими Русия барои иштирок дар ин форум даъват гардиданд. Дар ин хусус 27 феврал дар Федератсияи Русия зимни вохӯрии Раиси вилояти Хатлон Давлаталӣ Саид бо соҳибкорон, донишҷӯён ва дигар ҳамватанон иттилоъ дода шуд.
Тавре мухбири АМИТ «Ховар» иттилоъ медиҳад, дар вохӯрӣ Раиси вилояти Хатлон Давлаталӣ Саид ба соҳибкорон ва ҳамватаноне, ки дар Русия кору зиндагӣ менамоянд, оид ба раванди татбиқи барномаҳои давлатӣ дар Тоҷикистон, имкониятҳои сармоягузорӣ ва баргузории чорабиниҳои муҳими байналмилалӣ, аз ҷумла дар вилояти Хатлон маълумот дод.
Дар мулоқот аҳамияти ҳамкории байниминтақавии Тоҷикистону Русия барои таҳкими равобити ду мамлакат муҳим арзёбӣ гардид. Иброз шуд, ки соҳибкорон барои тараққиёти мамлакат ҳамчун шарики рушд бо истифода аз муҳити мусоиди сармоягузорӣ нақши фаъол мебозанд.
Ёдовар мешавем, ки 23 феврали соли равон ҳайати вилояти Хатлон таҳти роҳбарии Раиси вилояти Хатлон Давлаталӣ Саид дар шаҳри Қазони Ҷумҳурии Тотористони Федератсияи Русия бо роҳбарону намояндагони диаспораи тоҷик, соҳибкорон ва ҳамватаноне, ки дар ин мамлакат кору зиндагӣ менамоянд, вохӯрӣ намуд.
Инчунин байни роҳбарияти Мақомоти иҷроияи ҳокимияти давлатии вилояти Хатлон ва Ҳукумати вилояти Пенза санади ҳамкорӣ ба имзо расид.
АКС: АМИТ «Ховар»
Дар Душанбе самтҳои ҳамкорӣ бо ҳайати Палатаи савдои хориҷии Олмон баррасӣ гардид
Тоҷикистон дар доираи татбиқи Консепсияи рушди соҳаи ангишт ҳаҷми истихроҷи ангиштро ба 15 миллион тонна мерасонад
Дар Остона Форуми соҳибкории Тоҷикистону Қазоқистон баргузор шуд
Дар оянда байни Тоҷикистон ва Амрико парвозҳои мустақими ҳавоӣ ба роҳ монда мешаванд
Ҳамкории Кумитаи рушди маҳали Тоҷикистон ва Бонки ҷаҳонӣ оид ба такмили низоми худидоракунӣ баррасӣ гардид
Таҳкими ҳамкории иқтисодию сармоягузории Тоҷикистону Ветнам баррасӣ карда шуд
Масъалаҳои тақвияти ҳамкорӣ дар самти бехатарии озуқаворӣ бо намояндагони Бонки ҷаҳонӣ баррасӣ шуданд
Байни Тоҷикистон ва Лаос масоили таҳкими ҳамкории сармоягузорӣ ва иқтисодӣ баррасӣ гардид
Ҳамкории Тоҷикистон ва Қирғизистон дар самтҳои тиҷорат, нақлиёт, сармоягузорӣ ва логистика густариш меёбад
Таҳкими ҳамкории Тоҷикистон бо ширкати «Smart Villages» -и Миср дар соҳаи инноватсия баррасӣ гардид
Вазири рушди иқтисод ва савдои Тоҷикистон дар чорабинии сатҳи баланди СПЕКА иштирок намуд
Файзиддин Қаҳҳорзода бо намояндагони Институти ҷаҳонии рушди сабз ва Комиссияи иқтисодӣ ва иҷтимоии СММ вохӯрӣ намуд
