Дастаи «Рахш»-и Восеъ ғолиби қисми ниҳоии Лигаи дуюми Тоҷикистон-2025 оид ба футбол гардид

ДУШАНБЕ, 04.12.2025 /АМИТ «Ховар»/. Қисмати ниҳоии Лигаи дуюми Тоҷикистон-2025 оид ба футбол дар шаҳри Душанбе ба анҷом расид. Дастаи «Рахш»-и ноҳияи Восеъ дар бозии ниҳоӣ тими «Шоҳмансур»-и Душанберо мағлуб намуд. Дар ин хусус АМИТ «Ховар» бо истинод ба Федератсияи футболи Тоҷикистон хабар медиҳад.

Вақти асосии рақобати финалӣ бо ҳисоби мусовии 1:1 ба анҷом расид. Баъдан «Рахш» дар силсилаи пеналти бо ҳисоби 8:7 пирӯз шуд. Ҳамин тариқ, дастаи ноҳияи Восеъ ғолиби қисми ниҳоии Лигаи дуюм дар мавсими 2025 шуд.

Барои ҷойи сеюми мусобиқа дастаи «Ҷиликӯл» бо боварӣ тими «Гулистон»-ро бо ҳисоби 3:1 шикаст дод.

Пас аз натиҷаи марҳилаи ниҳоии чемпионати Тоҷикистон-2025 байни дастаҳои Лигаи дуюм «Рахш» (Восеъ), «Шоҳмансур» (Душанбе) ва «Ҷиликӯл» (Дӯстӣ) ба раванди иҷозатномадиҳии Лигаи якум дохил карда мешаванд. Пас аз анҷоми муваффақонаи тартиби ҳатмӣ онҳо ҳаққи иштирок дар чемпионати Тоҷикистон байни дастаҳои Лигаи якумро дар мавсими 2026 пайдо мекунанд.

АКС: Федератсияи футболи Тоҷикистон