Маросими ифтитоҳи Рӯзҳои фарҳанги Ҷумҳурии Тоҷикистон дар Ҷумҳурии Исломии Покистон баргузор гардид
ДУШАНБЕ, 19.12.2025 /АМИТ «Ховар»/. 18 декабр дар Шурои санъати миллии Покистон маросими ифтитоҳи Рӯзҳои фарҳанги Ҷумҳурии Тоҷикистон баргузор гардид. Дар ин хусус АМИТ «Ховар» бо истинод ба Вазорати фарҳанги Ҷумҳурии Тоҷикистон иттилоъ доданд.
Дар маросими ифтитоҳи Рӯзҳои фарҳанги Ҷумҳурии Тоҷикистон Президенти Ҷумҳурии Исломии Покистон Осиф Алӣ Зардорӣ иштирок намуд.
Пеш аз оғози барномаи фарҳангӣ дар 3 толор ҳунарҳои мардумӣ, санъатҳои дастӣ, маҳсулоти гуногуни нонӣ, меваҷот, оши палав, номгӯи обҳои истеҳсоли Тоҷикистон, намоиши мусаввараю аксҳо, ки таъриху фарҳанг ва урфу одати миллати моро инъикос менамоянд, пешниҳоди ҳозирин гардонида шуданд.
Зимни ифтитоҳи барномаи фарҳангӣ вазирони фарҳанги ҷумҳуриҳои Тоҷикистону Покистон суханронӣ намуданд.
Сипас Президенти Ҷумҳурии Исломии Покистон Осиф Алӣ Зардорӣ доир ба муносибатҳои дӯстона ва гуногунҷанбаи Покистону Тоҷикистон ибрози ақида намуда, саҳми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмонро дар рушди робитаҳои ду давлати дӯст муҳим арзёбӣ намуд.
Ҳунармандони шинохтаи мамлакат аз ансамбли созҳои миллӣ, гурӯҳҳои рақсии «Лола» ва «Парасту» барномаи фарҳангӣ, иборат аз рақсу сурудҳои марғубу дилнишинро намоиш доданд.
Рӯзҳои фарҳанги Ҷумҳурии Тоҷикистон дар Ҷумҳурии Исломии Покистон то 24 декабр идома меёбанд.
АКС: Вазорати фарҳанги Ҷумҳурии Тоҷикистон
«ЗАБОНИ МО – ҶАҲОНИ МО». 16 октябр Анҷумани сеюми забоншиносони давлатҳои ҳамзабону ҳамфарҳанг баргузор мегардад
ФИЛМҲОИ МИЛЛӢ ДАР ҶАШНВОРАҲОИ БАЙНАЛМИЛАЛӢ ЭЪТИРОФ ВА ҚАДРДОНӢ МЕШАВАНД. Эҳдо ба Рӯзи кинои тоҷик
Дар Минск бахшида бо Рӯзи байналмилалии бузургдошти Ҳофизи Шерозӣ ҳамоиш доир шуд
Дар даври ҷамъбастии Озмуни ҷумҳуриявии «Тоҷикистон-Ватани азизи ман» 581 довталаб иштирок менамояд
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
