Раиси Маҷлиси намояндагон бо ҳайати комиссияи экспертии Агентии мустақили аккредитатсия ва рейтинг вохӯрӣ намуд

ДУШАНБЕ, 04.12.2025 /АМИТ «Ховар»/. Имрӯз Раиси Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода бо ҳайати комиссияи экспертии Агентии мустақили аккредитатсия ва рейтинг (НААР, IAAR) вохӯрӣ намуд. Дар ин хусус ба АМИТ «Ховар» аз Маҷлиси намояндагон хабар доданд.

Зимни мулоқот Файзалӣ Идизода иброз намуд, ки имрӯз Парламенти Ҷумҳурии Тоҷикистон бо 80 парламентҳои давлатҳои дунё робитаҳои дӯстӣ ва ҳамкориҳои байнипарламентиро ба роҳ мондааст.

Таъкид гардид, ки Парламенти Ҷумҳурии Тоҷикистон дар чоҳорчӯбаи созмонҳои байналмилалӣ, аз ҷумла Созмони Милали Муттаҳид, ЮНЕСКО, Иттиҳоди Аврупо, Иттиҳодияи байнипарламентӣ, Созмони амният ва ҳамкорӣ дар Аврупо бо парламентҳои кишварҳои аъзо ҳамкории фаъол дорад.

АКС: Маҷлиси намояндагони Маҷлиси Олии Ҷумҳурии Тоҷикистон