Ҳамкории «Тоҷикфилм» бо Институти миллии аудиовизуалии Фаронса тақвият меёбад
ДУШАНБЕ, 20.01.2026 /АМИТ «Ховар»/. Масъалаи густариши ҳамкорӣ дар самти ҳифз, рақамисозӣ ва таблиғи бойгониҳои синамоӣ зимни вохӯрии директори Муассисаи давлатии «Тоҷикфилм» ва намояндаи Институти миллии аудиовизуалии Фаронса (INA) баррасӣ гардид. Дар ин хусус ба АМИТ «Ховар» аз Муассисаи давлатии «Тоҷикфилм» хабар доданд.
Дар ҷараёни вохӯрӣ имконоти ба роҳ мондани барномаҳои муштарак, табодули таҷриба, омӯзиши мутахассисон ва истифодаи технологияҳои муосир дар соҳаи бойгонӣ ва паҳнкунии маводи аудиовизуалӣ низ баррасӣ гардид.
Ҳамчунин масъалаи муаррифии филмҳои тоҷикӣ дар ҷашнвораҳо, намоишгоҳҳо ва бозорҳои байналмилалии кино мавриди таваҷҷуҳ қарор гирифт. Ҷонибҳо изҳор доштанд, ки рушди ҳамкории байналмилалӣ дар соҳаи кино ба болоравии нуфузи синамои тоҷик дар арсаи ҷаҳонӣ мусоидат намуда, барои ҷалби аудиторияи васеъ ва таҳкими робитаҳои фарҳангӣ замина фароҳам меорад.
Ҷонибҳо барои рушди ҳамкории мутақобили судманд изҳори омодагӣ намуда, таъкид доштанд, ки идомаи муколама ва таҳияи нақшаҳои мушаххаси ҳамкорӣ метавонад ба ҳифз ва рушди мероси синамоии Тоҷикистон такони ҷиддӣ бахшад.
АКС: Муассисаи давлатии «Тоҷикфилм»
Намояндаи Ҳизби Коммунистии Чин дар Осорхонаи миллии Тоҷикистон бо таъриху фарҳанги тоҷикон шинос шуд
Узви Раёсати Ҳизби «Ени Озарбойҷон» дар Осорхонаи миллӣ бо тамаддуни қадимаи тоҷикон шинос гардид
Дар Теҳрон китоби «Каманди зулф»-и Зулфия Атоӣ рӯнамоӣ гардид
РОБИАИ БАЛХӢ – НАХУСТБОНУИ СОҲИБДЕВОНИ АДАБИЁТИ ТОҶИКУ ФОРС. Дар Душанбе конференсияи байналмилалӣ баргузор шуд
Бахшида ба 35-солагии Истиқлолияти давлатӣ китоби «Хуттали Қадим» аз чоп баромад
Бахшида ба фаъолияти соҳаи метрологияи тоҷик Конференсияи байналмилалии илмӣ-назариявӣ баргузор гардид
Ҳунармандони тоҷик дар Фестивали 4-уми байналмилалии театрҳои лӯхтак иштирок намуданд
Дар Душанбе Рӯзҳои фарҳанги шаҳри Турсунзода ва ноҳияҳои Қубодиён, Рӯдакӣ, Спитамен, Шаҳринав ва Панҷ баргузор мешаванд
Тоҷикистон ва Британияи Кабир ҳамкориро дар самти осорхонадорӣ тақвият мебахшанд
Таҳти унвони «Забон — рамзи худшиносӣ ва худогоҳии миллӣ» ҳамоиш баргузор гардид
Дар Душанбе Фестивали фарҳангии Тоҷикистону Корея-2026 баргузор мегардад
Дар Душанбе Рӯзҳои фарҳангии шаҳру ноҳияҳои Тоҷикистон оғоз мегарданд
