Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
ДУШАНБЕ, 17.01.2026 /АМИТ «Ховар»/. Дурнамои густариши ҳамкории дуҷониба дар соҳаҳои иқтисоду тиҷорат, энергетика, нақлиёт, сармоягузорӣ, инчунин таҳкими робитаҳо дар бахшҳои илму маориф зимни вохӯрии Вазири рушди иқтисод ва савдои Ҷумҳурии Тоҷикистон Абдураҳмон Абдураҳмонзода бо Сафири Фавқулода ва Мухтори Ҷумҳурии Исломии Покистон дар Ҷумҳурии Тоҷикистон Муҳаммад Саид Сарвар баррасӣ гардид.
Тавре аз Вазорати рушди иқтисод ва савдои Ҷумҳурии Тоҷикистон ба АМИТ «Ховар» хабар доданд, дар ҷараёни вохӯрӣ ҷонибҳо аз сатҳи муносибатҳои дӯстона ва ҳамкории судманд байни Тоҷикистон ва Покистон изҳори қаноатмандӣ намуда, омодагии худро барои густариши минбаъдаи робитаҳо дар заминаи манфиатҳои муштарак баён доштанд.
Ҷонибҳо инчунин зарурати фаъолгардонии механизмҳои амалии ҳамкорӣ, аз ҷумла гурӯҳи кории муштарак оид ба савдо, сармоягузорӣ ва нақлиёт, инчунин суръатбахшии раванди ниҳоии баррасии Созишнома оид ба савдои имтиёзнок байни ду давлатро муҳим арзёбӣ намуданд.
Дар анҷоми вохӯрӣ ҷонибҳо изҳор доштанд, ки татбиқи амалии тавофуқоти бадастомада метавонад ба рушди минбаъдаи ҳамкории иқтисодию тиҷоратии Тоҷикистону Покистон такони ҷиддӣ бахшад.
АКС: Вазорати рушди иқтисод ва савдои Ҷумҳурии Тоҷикистон
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
Татбиқи лоиҳаҳои сармоягузорӣ дар самти энергияи барқароршаванда байни Тоҷикистон ва Ҳиндустон баррасӣ шуд
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
Лоиҳаи «Барномаи давлатии рушди инноватсионии соҳаи пахтакорӣ барои солҳои 2026-2030» таҳия мегардад
Роҳи мошингарди «Айнӣ – Кӯҳистони Мастчоҳ» навсозӣ мешавад
Лоиҳаи Барномаи нави саноатикунонии босуръати Тоҷикистон барои солҳои 2026-2030 таҳия мегардад
ЭНЕРГИЯИ «САБЗ». Дар Тоҷикистон нахустин лоиҳаи неругоҳи офтобӣ бо иқтидори 500 МВт татбиқ карда мешавад
