«БАРНОМАИ РУШДИ РОҲҲОИ ОБОДИ ДЕҲОТ БАРОИ СОЛҲОИ 2023-2028». Ва ё чӣ қадар роҳҳои маҳаллӣ таъмир гардиданд?
ДУШАНБЕ, 31.01.2026. /АМИТ «Ховар»/. Дар айни замон дар мамлакат «Барномаи рушди роҳҳои ободи деҳот барои солҳои 2023-2028» татбиқ мегардад, ки он аз ҷониби Вазорати нақлиёти Ҷумҳурии Тоҷикистон таҳия гардидааст. Ин барнома аз ҳисоби 5 манбаи маблағгузорӣ амалӣ карда мешавад: 1) маблағҳои буҷети ҷумҳуриявӣ, ки барои Вазорати нақлиёт пешбинӣ шудаанд, 2) лоиҳаҳои сармоягузорӣ, 3) буҷети мақомоти маҳаллии ҳокимияти давлатӣ, 4) соҳибкорони ватанӣ ва 5-ум тавассути кумаки мутақобилаи сокинони маҳаллӣ (бо усули ҳашар). Дар ин хусус АМИТ «Ховар» бо истинод ба Вазорати нақлиёти Ҷумҳурии Тоҷикистон хабар медиҳад.
Тибқи иттилои масъулин, тайи се соли охир дар Тоҷикистон беш аз 3 ҳазор километр роҳҳои маҳаллӣ, аз ҷумла 2,6 ҳазор километр аз ҳисоби соҳибкорон ва аҳолӣ бунёду таҷдид гардида, ҳоло ин иқдоми наҷиб дар мамлакат бомаром идома дорад.
Дар доираи «Барномаи рушди роҳҳои ободи деҳот барои солҳои 2023-2028» бо дастгирии Вазорати нақлиёт, мақомоти иҷроияи ҳокимияти давлатӣ ва соҳибкорону фаъолон дар маркази шаҳри Турсунзода 4,5 километр роҳи мошингард мумфарш карда шуд. Ҳамчунин роҳҳои деҳаҳои Зиёраттут, Сангқалъа, Чиртак ва Истиқлол-1-и деҳоти Навобод ба масофаи 8,1 километр бо истифода аз масолеҳи босифат асфалтпӯш карда шуданд. Инчунин дар деҳоти Работ 8,8 километр, Турсун Тӯйчиев — 4,8, Ҷӯра Раҳмонов- 6 ва дар Қаратоғ 4,6 километр роҳ мумфаршу бетонпӯш карда шуд.
Мавриди тазаккур аст, ки дар доираи татбиқи ин барнома дар шаҳру ноҳияҳои Исфара — 175,7 километр, Панҷакент 43,0 километр, Истаравшан — 53,2 километр, Ашт — 222, 3 километр, Ҷаббор Расулов — 66,7 километр, Конибодом — 47,0 километр, Деваштиҷ — 45,1 километр, Бобоҷон Ғафуров -41,4 километр , Ёвон- 65,7 километр, Қубодиён- 48,6 километр, Ваҳдат — 34,4 километр, Нуробод — 31,0 километр, Рашт-23,0 километр, Кӯшониён- 28,4 километр, Леваканд -27,9 километр, Вахш — 27,7 километр, Данғара – 22,1 километр ва Муъминобод – 21,3 километр роҳҳои маҳаллӣ мумфарш гардиданд. Ҳамчунин дар доираи ин барнома чандин километр роҳҳои маҳаллии як зумра шаҳру ноҳияҳои ҷумҳурӣ таъмир ва шағалпӯш карда шуданд.
Тавре Президенти Тоҷикистон муҳтарам Эмомалӣ Раҳмон дар Паём ба Маҷлиси Олӣ 28 декабри соли 2024 иброз доштанд: «солҳои охир таъмиру сохтмони роҳҳои маҳаллӣ вусъат пайдо карда, танҳо дар соли 2024-ум аз ҳисоби ҳамаи сарчашмаҳои маблағгузорӣ, хусусан, бо саҳми соҳибкорону шахсони саховатпеша ва мардуми Тоҷикистон ба маблағи беш аз 1 миллиард сомонӣ зиёда аз 2 ҳазор километр роҳҳои маҳаллӣ таъмиру таҷдид гардида, бунёду навсозии 23 пул ба анҷом расидааст».
Татбиқи «Барномаи рушди роҳҳои ободи деҳот барои солҳои 2023-2028» дар дигар шаҳру ноҳияҳои Тоҷикистон идома дорад.
Рухсораи НУР,
АМИТ «Ховар»
АКС аз манбаъҳои боз
Дар назди чор муассисаи таълимии шаҳри Ҳисор биноҳои иловагӣ сохта мешаванд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Корҳои омодагӣ ба ҷашни 40-солагии Истиқлолияти давлатии Ҷумҳурии Тоҷикистон оғоз гардиданд
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
Пешвои миллат Эмомалӣ Раҳмон дар шаҳри Истаравшан бинои маҷмааи миллии соҳибкории «Роҳи Абрешим»-ро мавриди истифода қарор доданд
