Дар Академияи идоракунии давлатӣ иҷрои «Стратегияи давлатии муқовимат ба коррупсия дар Тоҷикистон» баррасӣ гардид
ДУШАНБЕ, 23.01.2026 /АМИТ «Ховар»/. Дар Академияи идоракунии давлатии назди Президенти Ҷумҳурии Тоҷикистон вохӯрии намояндаи Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо кормандону омӯзгорон баргузор гардид, ки дар он иҷрои «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030» мавриди баррасӣ қарор дода шуд. Дар ин хусус АМИТ «Ховар» бо истинод ба Академияи идоракунии давлатӣ хабар медиҳад.
Ноиби якуми ректори академия Фирдавс Одиназода иброз намуд, ки дар академия барои таъмини иҷрои бандҳои «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030» нақшаи чорабиниҳои дохилиидоравӣ ба тасвиб расида, корҳои назаррас анҷом дода шудаанд. Бахусус барои ба такмили ихтисос ва бозомӯзӣ фаро гирифтани шахсони мутасаддӣ оид ба таъмини иҷрои стратегия аз тарафи Донишкадаи такмили ихтисос ва бозомӯзии хизматчиёни давлатӣ ва Маркази такмили ихтисоси кормандони мақомоти муқовиматкунанда бо коррупсияи академия машғулияти такмили ихтисос ва тренингҳои омӯзишӣ гузаронида мешаванд.
Муовини сардори раёсати муқовимат ба коррупсияи Агентии назорати давлатии молиявӣ ва мубориза бо коррупсия Ёсуман Акрамзода доир ба ҷараёни иҷрои «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030», ба роҳ мондани методологияи ошкор ва бартарафнамоии хавфҳои коррупсионӣ дар фаъолияти муассиса, баланд бардоштани маърифати ҳуқуқии кормандон дар самти поквиҷдонӣ ва пешгирии омилҳои коррупсионӣ таклифҳои муфид пешниҳод намуд.
Иброз гардид, ки коррупсия ва дигар амалҳои дорои хусусияти коррупсионӣ барои рушди иқтисодиёт ва некуаҳволии мардум, амалишавии ҳуқуқу озодиҳои инсон ва шаҳрванд, суботу оромии ҳар давлат монеа эҷод намуда, хавфи аз ҳама калон — нобоварии мардумро нисбат ба мақомоти давлатӣ ба бор меоранд.
Дар фарҷоми вохӯрӣ таъкид шуд, ки ҳамкории муштарак байни Академияи идоракунии давлатӣ ва Агентии назорати давлатии молиявӣ ва мубориза бо коррупсия дар самти амалисозии сиёсати давлатии муқовимат ба коррупсия тақвият бахшида шуда, чунин суҳбату вохӯриҳо минбаъд низ баргузор карда мешаванд.
АКС: Академияи идоракунии давлатии назди Президенти Ҷумҳурии Тоҷикистон
Маорифчиёни ноҳияи Шоҳмансур Ҷашни байналмилалии Наврӯзро дар сатҳи баланд таҷлил намуданд
МАСЛИҲАТ БА ДОВТАЛАБ. Ҳангоми интихоби касб довталаб бояд бештар дониш ва истеъдодашро ба назар гирад
Бахшида ба 1050-солагии Робиаи Балхӣ дар Донишгоҳи давлатии Кӯлоб конференсияи илмӣ-назариявӣ доир гардид
Барои пурсамар гузаронидани давраи таътил ба хонандагон мутолиаи кадом китобҳо тавсия дода мешавад?
НАВРӮЗ — ЭҲЁГАРИ АНЪАНАҲОИ МИЛЛӢ. Дар Донишгоҳи давлатии Бохтар ҳамоиши тантанавӣ баргузор гардид
Дар Донишгоҳи давлатии омӯзгории Тоҷикистон ҷашни Наврӯз таҷлил гардид
Дар Донишгоҳи давлатии ҳуқуқ, бизнес ва сиёсати Тоҷикистон Наврӯз бо оростани хаймаҳои наврӯзӣ таҷлил шуд
Дар Донишгоҳи давлатии Бохтар ду озмоишгоҳи муосир ба истифода дода шуд
Дар Литсей барои хонандагони болаёқат дар шаҳри Душанбе ҷашни Наврӯз бо риояи расму ойини миллӣ таҷлил гардид
Дар Донишгоҳи давлатии Хуҷанд озмуни «Беҳтарин эҷодкори достонҳои «Шоҳнома»» ҷамъбаст гардид
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
