Дар Китобхонаи миллии Тоҷикистон беш аз 41 ҳазор нусха китобҳои камистифодашаванда ва нодир нигоҳдорӣ мешаванд
ДУШАНБЕ, 04.01.2026 /АМИТ «Ховар»/. Дар шуъбаи депозитарии Китобхонаи миллии Тоҷикистон беш аз 41 ҳазор нусха китоб гирдоварӣ карда шудааст, ки ҳар кадоме дар алоҳидагӣ бойигарии китобхона маҳсуб мешавад. Дар ин хусус ба АМИТ «Ховар» аз Китобхонаи миллии Тоҷикистон хабар доданд.
Дар фонди ин шуъба китобҳое нигоҳдорӣ мешаванд, ки бо имзои махсуси шахсиятҳои машҳур тақдим ва ё аз тарафи эшон хонда шудаанд. Аз ҷумла, дар ин шуъба нусхаи китоби соли 1923 дар нашриёти Тошканд чопшудаи Садриддин Айнӣ нигаҳдорӣ мешавад.
Шуъбаи депозитарӣ яке аз шуъбаҳои таркибии Китобхонаи миллии Тоҷикистон буда, фонди онро асосан асарҳои камистифодашаванда, асарҳои нодири дорои қимати илмӣ ва нусхаҳои зиёдатии асарҳо ташкил медиҳанд. Дар шуъбаи депозитарӣ асарҳои аз солҳои 1700 то соли 2015 нашршуда ҳифзу нигоҳдорӣ мешаванд.
Таркиби фонди шуъба аз маводи шакли чопӣ –китобу маҷаллаҳо ва варақаҳои изографӣ (мусаввараҳо) иборат аст. Ин ҳуҷҷатҳо аз ҷиҳати мазмун асарҳои камистифодашаванда буда, қимати баланди илмӣ доранд, ба монанди натиҷаи корҳои илмӣ-таҳқиқотӣ (экспедитсияҳо), асарҳои олимони ҷаҳон, маълумотномаҳо (энсиклопедия, луғат, фарҳанг), ки бо забонҳои русиву тоҷикӣ ва бо ҳуруфи лотинию сирилик нашр гардидаанд.
АКС: Китобхонаи миллии Тоҷикистон
Ҳайати Тоҷикистон дар Форуми 7-уми байналмилалии «Муколамаи байнифарҳангӣ» дар Боку иштирок намуд
«ГАНҶИНАИ ТАЪРИХ ВА ФАРҲАНГИ ТОҶИКОН». Таҳти ин унвон дар Тоҷикистон озмуни ҷумҳуриявӣ оғоз мегардад
Дар Тоҷикистон Фестивали VIII байналмилалии театрҳои лӯхтак «Чодари хаёл» ҷамъбаст гардид
Оид ба омӯзиши Панҷакенти қадим конференсияи илмӣ баргузор мешавад
Дар Хоруғ муассисаҳои соҳаи фарҳанг навсозӣ мешаванд
Муовини Вазири фарҳанг ва иршоди исломии Эрон дар Осорхонаи миллӣ бо тамаддуни бостонии тоҷикон шинос шуд
Гирандагони Шоҳҷоизаи Озмуни ҷумҳуриявии «Тоҷикистон – Ватани азизи ман» дар соли 2026 муайян гардиданд
Маросими ҷоизасупорӣ ба ғолибони Озмуни ҷумҳуриявии «Тоҷикистон–Ватани азизи ман» оғоз гардид
Феҳристи ёдгориҳои Намоиши байналмилалии «Тоҷикистон- кишвари ёдгориҳои нодир» таҳия гардид
Имрӯз маросими ҷоизасупории Озмуни ҷумҳуриявии «Тоҷикистон–Ватани азизи ман» баргузор мегардад
«КИТОБИ ДУШАНБЕ». Дар намоишгоҳи байналмилалӣ беш аз ду ҳазор номгӯй китоб пешниҳод гардид
Намояндагони Тоҷикистон дар Италия Нигористони Боргезеро тамошо намуданд
