ДАРАХТ БИНШОН! Дар ҳудуди шоҳроҳи Душанбе-Норак-Кӯлоб 200 бех ниҳоли ороишию сояафкан шинонида шуд
ДУШАНБЕ, 19.01.2026 /АМИТ «Ховар»/. Дар доираи «Барномаи давлатии кабудизоркунии Ҷумҳурии Тоҷикистон барои давраи то соли 2040» дар ҳудуди шоҳроҳи Душанбе-Норак-Кӯлоб 200 бех ниҳоли ороишию сояафкан ва ҳамешасабз шинонида шуд. Дар ин хусус ба АМИТ «Ховар» аз Мақомоти иҷроияи ҳокимияти давлатии шаҳри Норак хабар доданд.
Иттилоъ дода шуд, ки дар доираи ҳидояту роҳнамоиҳои бунёдкоронаи Президенти Ҷумҳурии Тоҷикистон муҳтарам Эмомалӣ Раҳмон бо мақсади дар сатҳи баланд таҷлил намудани ҷашни 35-солагии Истиқлолияти давлатӣ бо иштироки фаъолонаи сокинон, кормандони ташкилоту муассисаҳо ва намояндагони ҷомеаи шаҳрвандӣ дар кӯчаю хиёбонҳои шаҳр шинонидани ниҳолҳои ҳамешасабз ва вусъат бахшидани корҳои созандагию сабзазоркунӣ идома дорад.
Ин иқдоми созанда ба ободу зебо нигоҳ доштани муҳити зист, беҳдошти вазъи экологии шаҳр, зиёд намудани майдонҳои сабз ва тарбияи аҳолӣ, бахусус ҷавонон дар руҳияи эҳтиром ба табиат равона гардидааст. Сокинони шаҳр бо дарки масъулияти шаҳрвандӣ тасмим гирифтаанд, ки дар маъракаи ниҳолшинонӣ фаъолона саҳм гузошта, макони зисташонро сабзу хуррам гардонанд.
Ёдовар мешавем, ки дар доираи маъракаи ниҳолшинонӣ имрӯзҳо дар тамоми маҳаллаю муассисаҳои шаҳри Норак ободонию сабзазоркунӣ ба роҳ монда шудааст.
АКС: Мақомоти иҷроияи ҳокимияти давлатии шаҳри Норак
Энергетикҳо дар маҳаллаи Лучоби Боло 1500 бех ниҳоли дарахтони мевадиҳанда шинониданд
ДАРАХТ БИНШОН! Дар Роғун, Ваҳдат ва Файзобод беш аз 2 ҳазор бех ниҳоли дарахтони ороишӣ шинонида шуд
Бо иштироки муовини Сарвазири Тоҷикистон ва аъзои ҲХДТ дар Варзоб беш аз 700 бех ниҳол шинонида шуд
Ҳифзи растаниҳои нодир вазифаи ҳар як шаҳрванд мебошад
Дар шаҳри Турсунзода зиёда аз 22 ҳазор бех ниҳол ва 300 ҳазор дона гулҳои гуногун шинонида мешаванд
БАРНОМАИ ДАВЛАТИИ КАБУДИЗОРКУНӢ. Дар Ҳисор беш аз 20 ҳазор бех ниҳоли дарахтони ҳамешасабз шинонида мешавад
Дар шаҳри Ваҳдат бо иштироки муовини Сарвазири Тоҷикистон маъракаи ниҳолшинонӣ доир гардид
Дар минтақаи Ховарон дар беш аз 7 гектар боғи мевадиҳанда бунёд мегардад
ДАРАХТ БИНШОН! Дар шафати роҳҳои мошингарди Ванҷ беш аз 2000 бех ниҳол шинонида шуд
ДАРАХТ БИНШОН! Дар минтақаи Лоҳури ноҳияи Рӯдакӣ 700 бех ниҳоли гуногун шинонида шуд
«КИШВАРИ САБЗ». Кормандони Хадамоти гумрук дар ноҳияи Варзоб беш аз 17 ҳазор бех ниҳол шинониданд
Дар заминҳои бекорхобидаи теппаҳои деҳаи Шодоби ноҳияи Варзоб боғи намунавӣ бунёд карда шуд
