Раиси Маҷлиси намояндагони Тоҷикистон бо Раиси Агентии рушди сармоягузории Шоҳигарии Арабистони Саудӣ вохӯрӣ намуд
ДУШАНБЕ, 06.01.2026 /АМИТ «Ховар»/. Раиси Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода бо Раиси Агентии рушди сармоягузории Шоҳигарии Арабистони Саудӣ Холид Ал-Хаттоф вохӯрӣ намуд. Дар ин хусус ба АМИТ «Ховар» аз Маҷлиси намояндагон хабар доданд.
Зимни вохӯрӣ ҷонибҳо вазъи кунунӣ ва дурнамои рушди ҳамкории дуҷонибаро дар самти сармоягузорӣ мавриди баррасӣ қарор дода, ба густариши робитаҳои иқтисодию тиҷоратӣ ва татбиқи лоиҳаҳои муштарак таваҷҷуҳи хос зоҳир намуданд.
Раиси Маҷлиси намояндагон аз иқтидори мавҷудаи иқтисодии Ҷумҳурии Точикистон, фазои мусоиди сармоягузорӣ ва ислоҳоти анҷомдодаи Ҳукумати Тоҷикистон дар самти сармоягузорӣ ёдовар шуд. Ҳамчунин изҳор дошт, ки таҳкими ҳамкорӣ бо Шоҳигарии Арабистони Саудӣ ба манфиати ҳарду кишвар мебошад.
Раиси Агентии рушди сармоягузории Шоҳигарии Арабистони Саудӣ омодагии кишварашро барои тақвияти ҳамкорӣ дар бахшҳои афзалиятнок, аз ҷумла энергетика, саноат, кишоварзӣ ва дигар соҳаҳои муҳимми иқтисод баён дошт.
Файзалӣ Идизода иброз намуд, ки мо ҷонибдории худро барои пешрафти муносибатҳои сармоягузорӣ байни давлатҳоямон изҳор намуда, табодули таҷриба, ташкили муколамаи доимӣ, анҷом додани сафарҳоро ба хотири фаъол намудани гурӯҳҳои дӯстӣ ва ҳамкории байнипарламентӣ, инчунин иштирок дар чорабиниҳои тарафҳо дар ин самт зарур меҳисобем.
АКС: Маҷлиси намояндагони Маҷлиси Олии Ҷумҳурии Тоҷикистон
Мулоқоти Раиси Маҷлиси намояндагон бо Раиси Кумитаи миллӣ оид ба ҳуқуқи инсони Давлати Қатар доир гардид
Файзалӣ Идизода бо Раиси Маҷлиси Шурои Подшоҳии Арабистони Саудӣ вохӯрӣ намуд
Раиси Маҷлиси миллии Маҷлиси Олии Ҷумҳурии Тоҷикистон бо Раиси Маҷлиси Шурои Подшоҳии Арабистони Саудӣ мулоқот намуданд
Дар Душанбе тавсеаи робитаҳои парлумонии Тоҷикистон ва Русия баррасӣ гардид
Раиси Маҷлис-аш-Шурои Подшоҳии Арабистони Саудӣ бо сафари расмӣ ба Ҷумҳурии Тоҷикистон ташриф меорад
Қабули қатъномаи Даҳсолаи байналмилалӣ оид ба таҳкими сулҳ барои наслҳои оянда рӯйдоди воқеан таърихӣ ва мояи ифтихори ҳар як шаҳрванди Тоҷикистон мебошад
Дар ҷаласаи навбатии иҷлосияи дуюми Маҷлиси намояндагони Маҷлиси Олӣ созишномаи сармоягузорӣ ба тасвиб расид
Ҷаласаи навбатии Шурои Маҷлиси намояндагон баргузор гардид
Ба муносибати 29-солагии Рӯзи Ваҳдати миллӣ дар Маҷлиси намояндагон ҳамоиш баргузор гардид
Рушди муносибатҳои байнипарлумонии Тоҷикистон ва Беларус баррасӣ гардид
Ҷаласаи навбатии Шурои Маҷлиси намояндагон баргузор гардид
Дар иҷлосияи дуюми Маҷлиси намояндагони Маҷлиси Олӣ созишномаи сармоягузорӣ ба тасвиб расид
