То 1 апрел лоиҳаи «Барномаи давлатии рушди саноати дорусозӣ барои солҳои 2026-2030» таҳия мегардад
ДУШАНБЕ, 16.01.2026 /АМИТ «Ховар»/. То 1 апрели соли 2026 дар Ҷумҳурии Тоҷикистон лоиҳаи «Барномаи давлатии рушди саноати дорусозӣ барои солҳои 2026-2030» таҳия ва ба Ҳукумати Ҷумҳурии Тоҷикистон пешниҳод мегардад. Дар ин хусус ба АМИТ «Ховар» аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ доданд.
Дар айни замон дар ҳамкорӣ бо вазоратиу идораҳои дахлдори мамлакат гурӯҳи корӣ таъсис дода шуда, барои омода намудани барнома таҳлилу баррасиҳо идома доранд.
Ёдовар мешавем, ки 16 декабри соли 2025 Президенти Ҷумҳурии Тоҷикистон муҳтарам Эмомалӣ Раҳмон дар Паём ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» иброз намуданд, ки «Барномаи давлатии рушди саноати дорусозӣ барои солҳои 2026 – 2030» таҳия ва ба Ҳукумати мамлакат пешниҳод гардад.
Дар назар аст, ки дар «Барномаи давлатии рушди саноати дорусозӣ барои солҳои 2026 – 2030» тамоми самтҳои рушди соҳаи дорусозӣ зери назар гирифта мешавад. Инчунин барои бештар намудани корхонаҳои дорусозӣ бо ҷалби соҳибкоронӣ ватанӣ ва шарикони рушд барои тибқи стандартҳои ҷаҳонӣ истеҳсол намудани дору диққати бештар дода мешавад.
Сардори шуъбаи стандартонии Хадамоти назорати давлатии фаъолияти тандурустӣ ва ҳифзи иҷтимоии аҳолии Ҷумҳурии Тоҷикистон Хусрав Халифазода ба АМИТ «Ховар» иттилоъ, ки ин барнома давоми мантиқии «Барномаи давлатии рушди саноати дорусозӣ дар Ҷумҳурии Тоҷикистон барои солҳои 2021 то 2025» мебошад.
Бояд гуфт, ки Ҳукумати Ҷумҳурии Тоҷикистон 28 октябри соли 2020 «Барномаи давлатии рушди саноати дорусозӣ дар Ҷумҳурии Тоҷикистон барои солҳои 2021-2025»-ро қабул намуд, ки он соли 2025 пурра амалӣ гардид.
Сардори шуъбаи стандартонии Хадамоти назорати давлатии фаъолияти тандурустӣ ва ҳифзи иҷтимоии аҳолии Ҷумҳурии Тоҷикистон иброз дошт, ки мақсади барномаи мазкур беҳтар намудани дастрасии аҳолӣ ба хизматрасонии босифат, саривақтӣ ва баландихтисоси тиббӣ тавассути навсозии инфрасохтори дахлдори тандурустӣ буд.
«То қабул гардидани ин барнома дар мамлакат беш аз 90 фоизи дору ва молҳои тиббӣ дар бозори фармасевтии Тоҷикистон аз хориҷи мамлакат ворид мегардид. Инчунин то амалӣ гардидани ин барнома дар ҷумҳурӣ ҳамагӣ 38 корхонаи ватанӣ ба истеҳсоли 400 номгӯй дору ва маҳсулоти фармасевтӣ машғул буданд. Дар натиҷаи татбиқи «Барномаи давлатии рушди саноати дорусозӣ дар Ҷумҳурии Тоҷикистон барои солҳои 2021-2025» дар мамлакат имрӯз шумораи корхонаи ватанӣ ба 72 адад расид»,-гуфт Хусрав Халифазода.
Барнома 7 ҳадаф, 13 вазифа ва 88 чорабиниро дар бар гирифта, маблағи умумии он 1 миллиарду 316 миллиону 681 ҳазору 860 сомониро ташкил дод.
АКС: АМИТ «Ховар»
ПЕШВОИ МИЛЛАТ — БУНЁДГУЗОРИ МАОРИФИ МИЛЛӢ
Дар Тоҷикистон аз соли 2020 то 2026 андозаи нафақаи миёнаи шаҳрвандон 60 фоиз зиёд гардидааст
Маоши вазифавии кормандони муассисаҳои томактабӣ ва таҳсилоти миёнаи умумӣ 25 фоиз зиёд мегардад
БОРБАД — АСОСГУЗОРИ МУСИҚИИ ШАРҚ. Хунёгаре, ки назирашро таърихи башар ёд надорад
ОГОҲӢ. 16-17 январ дар баъзе ноҳияҳои Тоҷикистон ҳарорати ҳаво то 8-10 дараҷа паст мешавад
ЭҲТИЁТ-КАФИЛИ АМНИЯТ. Риояи қоидаҳои бехатарӣ ҳангоми истифодаи гази моеъ омили асосӣ барои ҳифзи ҷони инсон аст
«ИЛМ-ФУРӮҒИ МАЪРИФАТ». Бо мақсади шаффофият ва дақиқияти холҳои ғолибон портали электронӣ таъсис дода шуд
Барои баланд бардоштани маҳорати касбии омӯзгорон дар Тоҷикистон чӣ тадбирҳо андешида мешаванд?
Махфират Хидирзода: «Паёми Президенти Тоҷикистон инъикоскунандаи интизориҳои ҷомеа нисбат ба масоили мухталиф аст»
Академик Фарҳод Раҳимӣ: «Бунёди Маҷмааи эҳёи хотираи таърихӣ ва таҳкими ҳувияти миллӣ дар Душанбе аҳамияти бузурги сиёсӣ, иҷтимоӣ, фарҳангӣ ва маънавӣ дорад»
Паёми Президенти Тоҷикистон ба Маҷлиси Олӣ ҳамчун сарчашма ва манбаи роҳнамо барои фаъолияти қонунгузорӣ арзёбӣ мегардад
«ФУРӮҒИ СУБҲИ ДОНОӢ КИТОБ АСТ». Давоми 7 соли баргузории озмуни ҷумҳуриявӣ чӣ натиҷаҳо ба даст омаданд?
