Дар Хатлон барои баргузории даври вилоятии озмунҳои ҷумҳуриявӣ беш аз 2 миллион сомонӣ ҷудо гардид
ДУШАНБЕ, 20.02.2026 /АМИТ «Ховар»/. Бо иқдоми Раиси вилояти Хатлон соли 2026 барои баргузор намудани даври вилоятии озмунҳои ҷумҳуриявии «Фурӯғи субҳи доноӣ китоб аст» 593 100 сомонӣ, «Илм-фурӯғи маърифат» 802 050 сомонӣ, «Тоҷикистон- Ватани азизи ман» 632 900 ва «Шоҳномахонӣ» 200 600 сомонӣ маблағ ҷудо гардид.
Тавре аз хадамоти матбуоти Раиси вилояти Хатлон ба АМИТ «Ховар» иттилоъ доданд, барои донишҷӯён, хонандагон, омӯзгорон, ашхоси синну соли гуногун, ки дар даври вилоятии озмунҳо ғолиб мешаванд, беш аз 2 миллион сомонӣ ҷудо шудааст, ки нисбат ба соли 2025 190 650 сомонӣ зиёд аст.
Барои ғолибони ҷойи якум 6000 сомонӣ, ҷойҳои дуюм 7200 сомонӣ (барои ду ҷой), ҷойҳои сеюм 7200 сомонӣ (барои 3 ҷой) ва барои омӯзгорон 2400 сомонӣ мукофотпулӣ пешбинӣ гардидааст.
Иттилоъ дода шуд, ки соли 2025 довталабони вилоят дар даври ниҳоии озмунҳои ҷумҳуриявии «Фурӯғи субҳи доноӣ китоб аст», «Илм — фурӯғи маърифат» ва «Тоҷикистон — Ватани азизи ман» соҳиби 2 Шоҳҷоиза, 7 ҷойи якум, 17 ҷойи дуюм ва 40 ҷойи сеюм гардиданд.
АКС: Хадамоти матбуоти Раиси вилояти Хатлон
«ТАВОНО БУВАД, ҲАР КӢ ДОНО БУВАД». Таҳти ин унвон олимпиадаи ҷумҳуриявӣ байни донишҷӯёни муассисаҳои таҳсилоти олии касбӣ оғоз шуд
Имрӯз дар Душанбе ғолибони Фестивал-озмуни «Як матову сад ранг» муайян мегарданд
Донишҷӯёни Коллеҷи омори шаҳри Ваҳдат дар озмунҳои ҷумҳуриявӣ фаъолона иштирок менамоянд
Дар шаҳри Гулистон Озмуни шаҳрии «Оилаи намунавӣ» баргузор гардид
Дар Ҳисор даври шаҳрии Озмуни ҷумҳуриявии «Фурӯғи субҳи доноӣ китоб аст» оғоз шуд
«ТОҶИКИСТОН — ВАТАНИ АЗИЗИ МАН». 51 довталаб аз ноҳияи Данғара ба даври вилоятии озмун роҳхат гирифт
«ИЛМ – ФУРӮҒИ МАЪРИФАТ». 60 довталаб аз Донишгоҳи техникии Тоҷикистон ба даври дуюми озмун роҳхат гирифт
Дар Душанбе ғолибони якчанд озмунҳои ҷумҳуриявӣ қадрдонӣ гардиданд
«ИЛМ — ФУРӮҒИ МАЪРИФАТ». Дар Донишгоҳи байналмилалии забонҳои хориҷии Тоҷикистон даври донишгоҳии озмун оғоз шуд
Доир ба иҷрои барномаҳои давлатии соҳаи маориф дар ноҳияи Рашт ҷаласа баргузор гардид
«ТОҶИКИСТОН — ВАТАНИ АЗИЗИ МАН». Дар Донишгоҳи давлатии ҳуқуқ, бизнес ва сиёсати Тоҷикистон даври донишгоҳии озмун доир шуд
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир гардид
