Дар ноҳияи Ҷайҳун кишти картошка идома дорад
ДУШАНБЕ, 08.02.2026 /АМИТ «Ховар»/. Соли 2026 дар ноҳияи Ҷайҳуни вилояти Хатлон дар 346 гектар картошка кишт карда мешавад. Дар ин хусус ба АМИТ «Ховар» аз хадамоти матбуоти Раиси вилояти Хатлон иттилоъ доданд.
То имрӯз дар беш аз 110 гектар картошка кишт карда шудааст. Кишоварзон бо истифода аз рӯзҳои мусоиди офтобӣ корҳои саҳроиро вусъат бахшиданд. Чунин тадбирҳо ба зиёд гардидани ҳаҷми истеҳсоли маҳсулоти ватанӣ ва таъмини бозорҳои маҳаллӣ бо сабзавоти тару тоза мусоидат менамоянд.
Дар хоҷагии деҳқонии «Аҳлиддин»-и ноҳия саҳмдорон имсол дар 4 гектар замини корам картошка кишт намудаанд. Деҳқонони хоҷагӣ тухмии ватании навъи серҳосили «Мастчоҳ»-ро кишт намудаанд, ки ба шароити иқлими минтақа мутобиқ буда, барои гирифтани ҳосили хуб имконият фароҳам меорад.
Таъкид гардид, ки рушди соҳаи кишоварзӣ яке аз самтҳои афзалиятноки сиёсати давлатӣ буда, саҳми кишоварзон дар таъмини амнияти озуқавории мамлакат хеле муҳим мебошад.
Дар вилояти Хатлон соли 2026 бо мақсади рушди соҳаи кишоварзӣ, таъмини амнияти озуқаворӣ ва пурра гардонидани сабади истеъмолии аҳолӣ бо маҳсулоти тару тоза кишти картошка дар 8 ҳазор гектар ба нақша гирифта шудааст.
АКС: Хадамоти матбуоти Раиси вилояти Хатлон
Сарвазири Тоҷикистон дар ноҳияи Мир Сайид Алии Ҳамадонӣ бо корҳои созандагию ободонӣ шинос гардид
Байни шаҳрҳои Душанбе ва Тошканд хатсайри нави нақлиётии байналмилалӣ фаъол карда шуд
Таҳкими ҳамкории дуҷониба ва рушди бахши молиявӣ байни Тоҷикистон ва Бонки ҷаҳонӣ баррасӣ гардид
«Барномаи миёнамуҳлати рушди иқтисоди рақамӣ дар Ҷумҳурии Тоҷикистон барои солҳои 2026-2030» амалӣ мешавад
Моҳи май дар шаҳри Бохтар Форуми сайёҳии «Хатлон – 2026» баргузор мешавад
Ҷаласаи гурӯҳи кории Шурои роҳбарони Палатаи савдо ва саноати Иттиҳоди Давлатҳои Мустақил доир гардид
Тоҷикистон ва Миср ҳамкориро дар соҳаҳои дорусозӣ, нассоҷӣ ва мошинсозӣ густариш медиҳанд
Тавсеаи ҳамкории дуҷонибаи сармоягузорӣ ва тиҷоратӣ байни Тоҷикистон ва Миср баррасӣ гардид
Ҳайати Тоҷикистон дар Лондон бо намояндагони ниҳодҳои бонуфузи байналмилалии молиявӣ вохӯрӣ намуд
Муовини Сарвазири Тоҷикистон бо вазъи соҳаи кишоварзӣ дар Ҳисор, Турсунзода ва Шаҳринав шинос шуд
Ҷаласаи нахустини Комиссияи давлатӣ оид ба радиобасомадҳои Ҷумҳурии Тоҷикистон доир шуд
Ҷаласаи Кумитаи муштараки роҳбарикунандаи Ҳукумати Тоҷикистон ва Созмони Милали Муттаҳид доир шуд
