Дар шаҳри Остона масоили омодагӣ ба Саммити минтақавии экологӣ баррасӣ гардид
ДУШАНБЕ, 16.02.2026 /АМИТ «Ховар»/. Ҳайати Тоҷикистон дар машварати техникии омодагӣ ба Саммити минтақавии экологӣ (РЭС-2026) дар шаҳри Остона иштирок намуд, иттилоъ медиҳад АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон.
Нишаст бо дастгирии Вазорати экология ва захираҳои табиии Ҷумҳурии Қазоқистон ва ЮНИСЕФ (UNICEF) ташкил гардида, ба масъалаҳои ҳифзи кӯдакон, ҷавонон ва тағйирёбии иқлим бахшида шуд. Дар ҷаласаҳо муовини раиси Кумитаи ҳифзи муҳити зисти назди Ҳукумати Ҷумҳурии Тоҷикистон Лоиқ Раҳмонзода авлавияти миллии Тоҷикистонро дар самти Саҳми дар Сатҳи Миллӣ Муайяншуда (СММ 3.0/ОНУВ 3.0) муаррифӣ намуд.
Дар ҳошияи сафар мулоқоти дуҷонибаи муовини раиси Кумита бо Сармушовир оид ба иқлим ва муҳити зисти Дафтари минтақавии ЮНИСЕФ дар кишварҳои Аврупо ва Осиёи Марказӣ Мария Осбек баргузор гардид. Ҷонибҳо нақши ҷавонон ва муҳимияти маорифро дар робита ба ҳалли мушкилоти тағйирёбии иқлим дар Тоҷикистон муфассал муҳокима намуданд.
Барномаи сафар ҳамчунин иштироки фаъолро дар раванди омодагӣ ба Саммити дарпешистодаи РЭС-2026 дар бар гирифт. Дар ҷараёни он барномаи чорабиниҳои сатҳи баланд ва панелҳои мубоҳисавии ҳошиявӣ баррасӣ карда шуданд. Бо мақсади шиносоии наздик бо инфрасохтори форум ҳайат Маркази конгресс ва майдончаи намоишгоҳи РЭС-2026-ро боздид намуд. Ҳангоми азназаргузаронии ҳудуди намоишгоҳ ҷонибҳо масъалаҳои таъминоти техникӣ ва ташкили павилонҳои миллиро мавриди баррасӣ қарор доданд.
Аз рӯи натиҷаҳои мулоқотҳо ҷонибҳо муҳиммияти ҳамкории минбаъдаро дар доираи омодагӣ ба РЭС-2026 таъкид намуда, ба ҳамгироии масъалаҳои маориф ва иштироки фаъоли ҷавонон дар рӯзномаи иқлимии минтақа таваҷҷуҳи хосса зоҳир карданд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Дар Душанбе самтҳои ҳамкорӣ бо ҳайати Палатаи савдои хориҷии Олмон баррасӣ гардид
Тоҷикистон дар доираи татбиқи Консепсияи рушди соҳаи ангишт ҳаҷми истихроҷи ангиштро ба 15 миллион тонна мерасонад
Дар Остона Форуми соҳибкории Тоҷикистону Қазоқистон баргузор шуд
Дар оянда байни Тоҷикистон ва Амрико парвозҳои мустақими ҳавоӣ ба роҳ монда мешаванд
Ҳамкории Кумитаи рушди маҳали Тоҷикистон ва Бонки ҷаҳонӣ оид ба такмили низоми худидоракунӣ баррасӣ гардид
Таҳкими ҳамкории иқтисодию сармоягузории Тоҷикистону Ветнам баррасӣ карда шуд
Масъалаҳои тақвияти ҳамкорӣ дар самти бехатарии озуқаворӣ бо намояндагони Бонки ҷаҳонӣ баррасӣ шуданд
Байни Тоҷикистон ва Лаос масоили таҳкими ҳамкории сармоягузорӣ ва иқтисодӣ баррасӣ гардид
Ҳамкории Тоҷикистон ва Қирғизистон дар самтҳои тиҷорат, нақлиёт, сармоягузорӣ ва логистика густариш меёбад
Таҳкими ҳамкории Тоҷикистон бо ширкати «Smart Villages» -и Миср дар соҳаи инноватсия баррасӣ гардид
Вазири рушди иқтисод ва савдои Тоҷикистон дар чорабинии сатҳи баланди СПЕКА иштирок намуд
Файзиддин Қаҳҳорзода бо намояндагони Институти ҷаҳонии рушди сабз ва Комиссияи иқтисодӣ ва иҷтимоии СММ вохӯрӣ намуд
