«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
ДУШАНБЕ, 11.02.2026 /АМИТ «Ховар»/. Сиёсати фарҳангии Ҳукумати Ҷумҳурии Тоҷикистон ба ҳифз ва рушди фарҳанги миллӣ, арзишҳои таърихию забонӣ, ваҳдати миллӣ ва муаррифии мамлакат дар арсаи байналмилалӣ нигаронида шудааст. Тавре Президенти Ҷумҳурии Тоҷикистон муҳтарам Эмомалӣ Раҳмон таъкид менамоянд, «фарҳанг ҷавҳари ҳастии миллат аст». Ин матлабро муовини Вазири фарҳанги Ҷумҳурии Тоҷикистон Давлат Сафар дар конференсияи ҷумҳуриявии илмию назариявӣ таҳти унвони «Дирӯз, имрӯз ва фардои фарҳанги тоҷик» баён намуд. Дар ин хусус ба АМИТ «Ховар» аз Вазорати фарҳанги Ҷумҳурии Тоҷикистон иттилоъ доданд.
Инчунин иброз гардид, ки яке аз ҷанбаҳои асоси ҳастии миллат дар олами маънавиёт ифода меёбад. Он сипари фарҳангӣ ва кафолати бақои миллату халқи тоҷикро буда, истиқлолияти фарҳангии мамлакатро таъмин менамояд.
Дар конференсия олимон ва мутахассисони соҳа маърузаҳои илмӣ намуда, оид ба ташаккули механизми нави фаъолияти муассисаҳои фарҳангу санъат, такмили низоми фаъолияти илмӣ дар соҳаи фарҳангу санъат, баланд бардоштани ҳисси масъулиятшиносии шаҳрвандӣ барои рушди фарҳанги кишвар, татбиқи неруи эҷодии мардум ба таври мукаммал, навсозии шаклҳои фаъолияти корӣ ва механизмҳои ташкилӣ, ҳуқуқӣ ва молиявии ҳифз ва рушди мероси фарҳангӣ ва табдил додани муассисаҳои фарҳангу ҳунар ба маркази воқеии баргузории чорабиниҳои муҳими фарҳангию маърифатӣ ибрози андеша намуданд.
Имрӯз дар партави сиёсати фарҳангпарваронаи Президенти Ҷумҳурии Тоҷикистон муҳтарам Эмомалӣ Раҳмон фарҳанги миллӣ бо ифодаи хусусияти хосса рукнҳои меҳанпарастиро инъикос намуда, ҷомеаро ба баланд бардоштани ҳисси ифтихори миллӣ, худогоҳӣ ва худшиносии миллӣ, ифтихори ватандӯстӣ ва эҳтироми ҳамдигар ҳидоят менамояд.
АКС: Вазорати фарҳанги Ҷумҳурии Тоҷикистон
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
Бинои нави маъмурии Муассисаи давлатии «Мамнуъгоҳи таърихию фарҳангии Ҳисор» ба истифода дода шуд
Дар Душанбе бахшида ба Рӯзи фалак ҳамоиш доир гардид
Имрӯз дар Тоҷикистон Рӯзи фалак таҷлил мегардад
Тоҷикистон дар Бозиҳои 20-уми Делфии ҷавонони кишварҳои аъзои ИДМ соҳиби ҷойи аввал гардид
