НИШАСТИ МАТБУОТӢ. Соли 2025 дар сиёсати хориҷии Тоҷикистон ду санади таърихӣ ба имзо расид
ДУШАНБЕ, 06.02.2026. /АМИТ «Ховар»/. Соли 2025 барои сиёсати хориҷии Ҷумҳурии Тоҷикистон соли муҳим ва таърихӣ арзёбӣ мегардад. Дар ин давра ду санади муҳим — Шартнома байни Ҷумҳурии Тоҷикистон, Ҷумҳурии Қирғизистон ва Ҷумҳурии Узбекистон дар бораи нуқтаи пайвастшавии сарҳадҳои давлатии се давлат ва «Эъломияи Хуҷанд дар бораи дӯстии абадӣ» ба имзо расиданд. Дар ин хусус 6 феврал Вазири корҳои хориҷии Ҷумҳурии Тоҷикистон Сироҷиддин Муҳриддин зимни нишасти матбуотӣ ба хабарнигорон иттилоъ дод.
Вазири корҳои хориҷии Тоҷикистон иброз дошт, ки соли 2025 таҳкими ҳамкории дуҷониба бо Ҷумҳурии Қирғизистон, бахусус табодули сафарҳои давлатии сарони давлатҳо аз рӯйдодҳои муҳим дар муносибатҳои байнидавлатӣ ба шумор меравад.
Иттилоъ дода шуд, ки моҳи марти соли 2025 сафари давлатии Президенти Ҷумҳурии Тоҷикистон муҳтарам Эмомалӣ Раҳмон ба Ҷумҳурии Қирғизистон баргузор гардида, аз натиҷаи он 16 санади дуҷониба, аз ҷумла Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Қирғизистон оид ба сарҳади давлатии Тоҷикистону Қирғизистон ба имзо расид.
Ҳамчунин моҳи июли соли 2025 сафари ҷавобии давлатии Президенти Ҷумҳурии Қирғизистон ба Ҷумҳурии Тоҷикистон анҷом ёфт. Дар натиҷаи ин сафар 13 санади нави ҳамкорӣ, аз ҷумла Изҳороти муштарак байни Ҷумҳурии Тоҷикистон ва Ҷумҳурии Қирғизистон ба имзо расида, Шурои байниҳукуматӣ зери роҳбарии сарвазирони ду давлат таъсис дода шуд.
Таъкид шуд, ки фаъолияти Вазорати корҳои хориҷӣ барои мусоидат ба ҳалли масъалаҳои сарҳадӣ бо кишварҳои ҳамсоя ва таҳкими ҳамкорӣ бо созмонҳои байналмилалӣ дар ин самт ба таври пайгирона идома дорад.
Дар ҷараёни нишаст инчунин иттилоъ дода шуд, ки дар самти муаррифии арзишҳои таърихӣ, миллӣ ва фарҳангии Тоҷикистон дар арсаи байналмилалӣ Рӯзҳои фарҳанги Ҷумҳурии Тоҷикистон дар Русия, Чин ва Покистон баргузор гардида, ҳамзамон Рӯзҳои фарҳанги Озарбойҷон ва Муғулистон дар Тоҷикистон доир карда шуданд.
АКС: АМИТ «Ховар»
Дар Лондон машваратҳои сиёсӣ байни Ҷумҳурии Тоҷикистон ва Подшоҳии Муттаҳидаи Британияи Кабир баргузор шуданд
Сироҷиддин Муҳриддин дар вохӯрӣ бо раис ва аъзои гурӯҳи ҳамаҳизбии Парлумони Подшоҳии Муттаҳида барои Осиёи Марказӣ иштирок намуд
Дар Женева дар доираи иҷлосияи 61-уми Шурои ҳуқуқи инсони СММ чорабинии канории Тоҷикистон баргузор шуд
Сафири Тоҷикистон бо раиси Парлумони Гурҷистон мулоқот намуд
Давлатшоҳ Гулмаҳмадзода бо ҳамватанон, донишҷӯёни тоҷик ва роҳбарони ҷамъиятҳои тоҷикони муқими Бошқирдистони Русия мулоқот намуд
Сафири Тоҷикистон дар Форуми донишгоҳҳо ва илм байни Олмон ва Осиёи Марказӣ иштирок намуд
Дар қароргоҳи ИДМ дар Минск ҷаласаи Шурои намояндагони доимӣ баргузор гардид
Президенти Бонки Осиёии Рушд Масато Канда ба Тоҷикистон меояд
Сафири Тоҷикистон бо Раиси Бошқирдистони Федератсияи Русия мулоқот намуд
Таҳкими ҳамкорӣ байни Тоҷикистон ва Озарбойҷон дар соҳаи телевизион ва радиошунавонӣ баррасӣ гардид
Дар шаҳри Тифлис машваратҳои сиёсӣ байни Тоҷикистону Гурҷистон баргузор гардиданд
Сафири Тоҷикистон ба Президенти Иёлоти Муттаҳидаи Амрико эътимоднома супорид
