ТАРАННУМИ ИШҚ ДАР АШЪОРИ РОБИАИ БАЛХӢ. Дар Донишкадаи байналмилалии Левакант ҳамоиш доир шуд
ДУШАНБЕ, 18.02.2026 /АМИТ «Ховар»/. Дар Донишкадаи байналмилалии Леваканти Донишгоҳи байналмилалии сайёҳӣ ва соҳибкории Тоҷикистон таҳти унвони «Тараннуми ишқ дар ашъори Робиаи Балхӣ» ҳамоиш баргузор гардид. Дар ин хусус ба АМИТ «Ховар» аз ин донишкада хабар доданд.
Чорабинӣ бо мақсади арҷгузорӣ ба мероси адабии шоираи номвари тоҷику форс — Робиаи Балхӣ ва таҳкими эҳсоси худшиносии миллӣ дар байни ҷавонон доир карда шуд.
Баромадкунандагон аз паҳлуҳои гуногуни ҳаёт ва эҷодиёти Робиаи Балхӣ сухан ронда, нақши ӯро дар ташаккули адабиёти классикии тоҷику форс ва тарғиби арзишҳои инсондӯстӣ мавриди таҳлил қарор доданд.
Иброз гардид, ки ашъори ин шоираи асри Х сарчашмаи муҳими тарбияи маънавӣ буда, имрӯз низ барои ҷавонон сабақи садоқат, шуҷоат ва муҳаббат ба Ватан аст.
Дар идомаи ҳамоиш донишҷӯён аз ашъори Робиаи Балхӣ порчаҳо қироат намуда, муҳити фарҳангӣ ва эҳсосии ҷолибе ба вуҷуд оварданд. Қироати шеърҳо бо ҳисси баланди бадеӣ анҷом ёфта, таваҷҷуҳи ҳозиринро ба маънои амиқи суханони ин шоираи бузург бештар кард.
Дар фарҷом иштирокчиён баён доштанд, ки чунин ҳамоишҳо барои боло бурдани сатҳи маърифати адабӣ, густариши донишҳои илмӣ ва тақвияти худшиносии миллӣ дар байни донишҷӯён аҳамияти калон доранд.
АКС: Донишкадаи байналмилалии Леваканти Донишгоҳи байналмилалии сайёҳӣ ва соҳибкории Тоҷикистон
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
Бинои нави маъмурии Муассисаи давлатии «Мамнуъгоҳи таърихию фарҳангии Ҳисор» ба истифода дода шуд
Дар Душанбе бахшида ба Рӯзи фалак ҳамоиш доир гардид
Имрӯз дар Тоҷикистон Рӯзи фалак таҷлил мегардад
Тоҷикистон дар Бозиҳои 20-уми Делфии ҷавонони кишварҳои аъзои ИДМ соҳиби ҷойи аввал гардид
