БОЗИҲОИ 20-УМИ ОСИЁ. Шаҳрҳои Нагая ва Аичии Ҷопон ин бозиҳоро мизбонӣ мекунанд

ДУШАНБЕ, 23.03.2026. /АМИТ «Ховар»/. Аз 19 сентябр то 4 октябри соли равон дар шаҳрҳои Нагая ва Аичии Ҷопон Бозиҳои 20-уми Осиё  баргузор  мешаванд, хабар медиҳад АМИТ «Ховар».  

Ба барномаи Бозиҳо 42 намуди варзиш ворид шуда,  варзишгарон аз 45 давлати қора, аз ҷумла Тоҷикистон барои 460 маҷмуи медалҳо мубориза мебаранд.

Ёдовар мешавем, ки дар Бозиҳои 19-уми Осиё, ки соли 2022 дар Ҳангжоуи Чин доир гардида буд, варзишгарони Тоҷикистон сазовори 7 медал (2 тилло, 1 нуқра, 4 биринҷӣ) шуда буданд.

Медалҳои тиллоро Давлат Болтаев (бокс), Сомон Маҳмадбеков (ҷудо), медали нуқраро Темур Раҳимов (ҷудо), медалҳои биринҷиро Беҳрӯз Хоҷазода (ҷудо), Миҷгона Самадова (бокс) ва  Хайрандеш Муродзода, Ҳақназар Назаров (ҳарду – кураш) сазовор гардиданд.

АКС аз манбаъҳои боз