Дар Бохтар таҳти роҳбарии муовини Сарвазири Тоҷикистон Усмоналӣ Усмонзода ҷаласаи гурӯҳи корӣ доир шуд
ДУШАНБЕ, 13.03.2026. /АМИТ «Ховар»/. 12 март дар шаҳри Бохтар таҳти раёсати муовини Сарвазири Ҷумҳурии Тоҷикистон Усмоналӣ Усмонзода ҷаласаи гурӯҳи корӣ баргузор гардид. Дар ҷаласа масъалаҳо оид ба пешгирии талафоти неруи барқ, роҳ надодан ба истифодаи ғайриқонунии он, инчунин натиҷаҳои фаъолияти шабакаҳои барқ дар ду моҳи аввали соли 2026 мавриди баррасӣ қарор гирифтанд. Дар ин хусус ба АМИТ «Ховар» аз хадамоти матбуоти Раиси вилояти Хатлон иттилоъ доданд.
Ҷаласаи гурӯҳи корӣ бо мақсади иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон оид ба пешгирии насб ва истифодаи таҷҳизоти истеҳсоли криптоасъор, роҳ надодан ба истифодаи ғайримақсаднок ва ғайриқонунии неруи барқ доир шуд.
Дар кори ҷаласа ҷараёни иҷрои супоришҳои қаблан додашудаи Комиссияи кории доимамалкунанда аз 18 декабри соли 2025 доир ба пешгирии истифодаи ғайриқонунӣ ва ғайримақсадноки неруи барқ дар шаҳру ноҳияҳои тобеи филиали «Шабакаҳои тақсимоти барқ дар шаҳри Бохтар» муҳокима гардид.
Зимни ҷаласа вазъи воқеии зеристгоҳҳои барқӣ, омилҳои асосии афзоиши талафоти неруи барқ, нишондиҳандаҳои тиҷоратӣ, масъалаи қарздорӣ, ҷамъоварии маблағи неруи барқи истифодашуда ва ҳолатҳои аз меъёри муқарраргардида зиёд истифода бурдани неруи барқ мавриди баррасӣ қарор гирифтанд.
Иттилоъ дода шуд, ки сатҳи талафоти неруи барқ бештар дар шабакаҳои барқи шаҳру ноҳияҳои Левакант, Вахш, Абдураҳмони Ҷомӣ, Кӯшониён, Хуросон ва Ҷалолиддини Балхӣ ба назар мерасад, ки он аз меъёри муқарраргардида зиёд мебошад.
Дар ҷаласа таъкид гардид, ки нисбат ба роҳбарони шабакаҳои барқ, муовинони онҳо, инчунин нозирону назоратчиёне, ки дар иҷрои уҳдадориҳои хизматӣ камбудӣ нишон медиҳанд ё аз уҳдаи вазифа баромада наметавонанд, тадбирҳои қатъӣ андешида шуда, дар ҳолати зарурӣ аз вазифа озод карда мешаванд.
Ҳамчунин иброз гардид, ки барои паст намудани талафоти неруи барқ, пешгирии истифодаи ғайриқонунии он, баланд бардоштани сатҳи ҷамъоварии маблағи неруи барқи истифодашуда ва таъмини назорати ҷиддӣ дар фаъолияти шабакаҳои барқ тадбирҳои иловагӣ андешида шаванд.
АКС: Хадамоти матбуоти Раиси вилояти Хатлон
Дар шаҳри Москва ҷаласаи 109-уми Шурои иқтисодии ИДМ баргузор гардид
Ҳайати Тоҷикистон дар Тотористон бо фаъолияти корхонаҳои истеҳсолии парки технологии «ИСКРА-ВОЛГА» шинос шуд
Байни «Шабакаҳои интиқоли барқ»-и Тоҷикистон ва «Маркази илмӣ-техникии системаи ягонаи энергетикӣ»-и Русия Созишномаи ҳамкорӣ ба имзо расид
Рустам Минниханов: «Барои рушди ҳамкории бисёрҷониба байни Тоҷикистон ва Тотористон имконоти фаровон мавҷуданд»
Дар Қазон ҷаласаи 68-уми Шурои электроэнергетикии кишварҳои аъзои ИДМ баргузор шуд
«GEOSCIENCE & EXPLORATION CENTRAL ASIA». Ҳайати Тоҷикистон дар Форуми байналмилалии геологӣ иштирок намуд
Сармоягузорони Чин бо фаъолияти корхонаҳои истеҳсолии МОИ «Данғара» шинос шуданд
Вазири энергетика ва захираҳои оби Тоҷикистон дар Форуми байналмилалии электроэнергетикии Қазон – «ЭНЕРГОПРОМ» иштирок намуд
«Shohin Airlines» ҳавопаймои нави L410 NG харидорӣ менамояд
Вазири энергетикаи Тоҷикистон бо истеҳсоли таҷҳизоти турбинаҳои газии гурӯҳи ширкатҳои «АМКОР»-и Тотористон шинос шуд
Доир ба мушкилоти тағйирёбии иқлим, сабабҳо, пайомад ва усулҳои мутобиқшавӣ ба он китоб ба нашр расид
Дурнамои рушди ҳамкории гумрукӣ байни Тоҷикистон ва Корея баррасӣ гардид
