Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
ДУШАНБЕ, 13.03.2026 /АМИТ «Ховар»/. Нозирони мизҳои ҳарбии ҷамоатҳои шаҳрак ва деҳоти 13 шаҳру ноҳияи минтақаи Бохтари вилояти Хатлон ба машғулияти такмили ихтисос дар мавзуи «Сиёсати давлатӣ оид ба уҳдадории ҳарбӣ дар Ҷумҳурии Тоҷикистон» фаро гирифта шудаанд.
Тавре ба АМИТ «Ховар» аз Академияи идоракунии давлатии назди Президенти Ҷумҳурии Тоҷикистон иттилоъ доданд, барномаи таълимии машғулият бо назардошти талаботи қонунгузории амалкунандаи Ҷумҳурии Тоҷикистон ва таҷрибаи муосири идоракунии давлатӣ таҳия гардида, масъалаҳои муҳими марбут ба сиёсати давлатӣ оид ба уҳдадории ҳарбӣ, тартиби даъват ба хизмати ҳарбӣ, асосҳои ҳуқуқии хизмати ҳарбӣ, нақши мақомоти давлатӣ дар татбиқи сиёсати давлатӣ дар ин самт ва тарбияи ҳарбию ватандӯстии ҷавононро фаро мегирад.
Ҳадафи асосии машғулият тақвияти дониши назариявӣ ва амалӣ, такмили малакаҳои касбӣ ва баланд бардоштани сатҳи омодагии хизматчиёни давлатӣ дар самти татбиқи сиёсати давлатӣ оид ба уҳдадории ҳарбӣ мебошад. Дар ҷараёни омӯзиш иштирокдорон бо санадҳои меъёрии ҳуқуқии соҳавӣ, таҷрибаи пешқадами идоракунии давлатӣ ва усулҳои муосири ташкили кор дар самти ҳамоҳангсозии фаъолияти мақомоти давлатӣ шинос гардида, донишу малакаашонро такмил медиҳанд.
Инчунин баргузории машғулияти назариявӣ ва амалӣ, мубоҳисаҳо, таҳлили ҳолатҳои мушаххас ва мубодилаи таҷрибаи касбӣ байни иштирокчиён пешбинӣ шудааст, ки ба баланд гардидани сатҳи дониш ва тавсеаи ҷаҳонбинии касбии хизматчиёни давлатӣ мусоидат менамояд.
Машғулияти такмили ихтисос то 14 март идома меёбад.
АКС: Академияи идоракунии давлатии назди Президенти Ҷумҳурии Тоҷикистон
Ҳайати Хадамоти амнияти давлатии Ҷумҳурии Узбекистон ба Ҷумҳурии Тоҷикистон омад
Дар Суғд маросими тантанавии гусели даъватшавандагон ба хизмати ҳарбӣ доир шуд
Ҷавонони ватандӯсту шуҷои ноҳияи Деваштич ба хизмати ҳарбӣ равона гардиданд
Дар ноҳияи Мастчоҳ аввалин гурӯҳи ҷавонони синни даъватиро ба хизмат гусел намуданд
ХИЗМАТ БА ВАТАН ШАРАФ ВА ҶАСОРАТ АСТ! Ҷавонони ноҳияи Ҷаббор Расулов бо ҳисси баланди ватандӯстӣ ба хизмати ҳарбӣ рафтанд
Ноҳияи Исмоили Сомонии шаҳри Душанбе нақшаи даъвати баҳории ҷавононро ба сафи Қувваҳои Мусаллаҳ иҷро намуд
«МАРЗУ БУМИ ВАТАНРО СОДИҚОНА ҲИФЗ МЕНАМОЕМ!». Ҷавонони Файзобод бо дуои неки волидон ба хизмат дар сафи Қувваҳои Мусаллаҳи Тоҷикистон рафтанд
«ХИЗМАТ БА ВАТАН ҚАРЗИ ФАРЗАНДИИ МОСТ!». Ҷавонони шаҳри Ҳисор ба таври ихтиёрӣ ба комиссариати ҳарбӣ ҳозир шуданд
БАРОИ ВАТАН ҶОН ФИДО МЕКУНЕМ! Дар Бӯстон Рӯзи даъватшаванда баргузор гардид
Ҷавонони шаҳри Турсунзода бо дуои неки модарон ба сафи Артиши миллӣ пайвастанд
Нақшаи даъвати баҳории шаҳрвандони Тоҷикистон ба сафи Артиши миллӣ беш аз 54 фоиз иҷро гардид
Ноҳияи Муъминобод нақшаи даъвати баҳориро дар рӯзи якум пурра иҷро намуд
