35-СОЛАГИИ ИСТИҚЛОЛИ ДАВЛАТӢ. Дар ноҳияи Мурғоб 100 иншоот ба истифода дода шуд
ДУШАНБЕ, 07.04.2026. /АМИТ «Ховар»/. Ба истиқболи ҷашни 35-солагии Истиқлоли давлатӣ дар ноҳияи Мурғоб раванди созандагию бунёдкорӣ вусъати тоза касб намуда, дар доираи нақшаи чорабиниҳо бунёду навсозии 111 иншооти таъйиноти иқтисодию иҷтимоӣ ба нақша гирифта шудааст.
Тавре ба АМИТ «Ховар» аз Мақомоти иҷроияи ҳокимияти давлатии Вилояти Мухтори Кӯҳистони Бадахшон хабар доданд, то имрӯз аз шумораи умумии иншооти нақшавӣ 100 адад мавриди истифода қарор гирифтааст. Коргоҳу корхона ва муассисаҳои сохташуда бахшҳои гуногун, аз ҷумла маориф, тандурустӣ, хизматрасонӣ, савдо ва дигар соҳаҳоро дар бар мегиранд.
Иттилоъ дода шуд, ки бо назардошти афзоиши талаботи аҳолӣ ва рушди минбаъдаи ноҳия берун аз нақшаи тасдиқгардида боз сохтмони 40 иншооти иловагӣ ба нақша гирифта шудааст, ки марҳила ба марҳила амалӣ мегардад.
Дар айни замон дар ноҳия сохтмони 4 муассисаи томактабӣ идома дошта, тибқи нақша то таҷлили ҷашни 35-солагии Истиқлоли давлатӣ ба истифода дода мешаванд.
Бунёди чунин муассисаҳо барои фароҳам овардани шароити мусоиди таълиму тарбияи кӯдакон ва беҳтар намудани сатҳи хизматрасонии иҷтимоӣ аҳамияти муҳим дорад.
Чунин тадбирҳои созандагӣ дар доираи сиёсати бунёдкоронаи Ҳукумати мамлакат амалӣ гардида, ба баланд бардоштани сатҳи зиндагии сокинон ва рушди устувори минтақа мусоидат менамоянд.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Доир ба нақши ВАО дар муқовимат ба терроризм ва экстремизм ҳамоиши ҷумҳуриявӣ баргузор гардид
Меъморон ва бинокорони «заминаи рақамӣ»
Имрӯз дар Тоҷикистон борон меборад
Дар рӯзҳои Ҷашни байналмилалии Наврӯз дар ноҳияи Файзобод иншооти гуногун ба истифода дода шуданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
Имрӯз дар Тоҷикистон ҳавои тағйирёбанда пешгӯӣ мешавад
