Дар Театри давлатии опера ва балети пойтахт намоиш-фурӯши китоб оғоз шуд
ДУШАНБЕ, 04.04.2026 /АМИТ «Ховар»/. Дар Театри давлатии опера ва балети ба номи Садриддин Айнӣ дар шаҳри Душанбе намоиш-фурӯши китоб идома дорад. Дар намоиш аз тамоми қишрҳои ҷомеа дилбохтагон ва дӯстдорони китобу каломи бадеъ ҷамъ омадаанд. Дар ин хусус ба АМИТ Ховар аз Вазорати фарҳанги Ҷумҳурии Тоҷикистон иттилоъ доданд.
Дар чорабинии имрӯза асарҳои зиёди нависандагони тоҷик ва адабиёти хориҷӣ ба намоишу фурӯш гузошта шудаанд. Ин намоиш бо ташаббуси Вазорати фарҳанги Ҷумҳурии Тоҷикистон доир шуда, дар он нашриёти ватанӣ ва хусусӣ номгӯйи зиёди китобҳо ва аз ҷумла, китобҳои тозанашрро пешниҳод намудаанд.
Тавре сардори Раёсати табъу нашр ва матбуоти Вазорати фарҳанги Ҷумҳурии Тоҷикистон Иброҳим Аҳмад иттилоъ дод, дар намоиш-фурӯш беш аз 400 номгӯй китоб, ки фарогири мавзуъҳои мухталиф буда, 3000 нусхаро ташкил медиҳанд, пешниҳоди дӯстдорони мутолиа гардидаанд. Инчунин имрӯз дар ин намоиш беш аз 50 номгӯй китоби тозанашр бо шаклу муҳтавои нав пешниҳод гардидааст.
Дӯстдорони китоб имрӯз имкон доранд, ки ба китобҳои харидаашон соядасти адибонро гиранд ва ҳамзамон бо шоирону нависандагони маъруфи тоҷик аз наздик шинос ва ҳамсуҳбат шаванд.
Китобдӯстдорони асил инчунин метавонанд доир ба китобҳои тозанашр маълумоти муфассал пайдо намоянд.
АКС: Вазорати фарҳанги Ҷумҳурии Тоҷикистон
Аъзои Маҷлиси умумичинии намояндагони мардумии Чин Қалъаи бостонии Ҳисорро тамошо намуданд
Шоири халқии Тоҷикистон Доро Наҷот аз олам даргузашт
ДАСТОВАРДИ ДАВРОНИ СОҲИБИСТИҚЛОЛӢ. Китобхонаи миллии Тоҷикистон иқтидори нигоҳдории то 10 миллион нусха китобро дорад
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
