ИҚТИСОДИ РАҚАМӢ ВА ИННОВАТСИЯ. Дар самти рақамикунонии ёдгориҳои таърихию фарҳангӣ ҳамоиш доир шуд
ДУШАНБЕ, 14.04.2026. /АМИТ «Ховар»/. Дар доираи Солҳои рушди иқтисоди рақамӣ ва инноватсия (2025-2030) ва бо мақсади рақамикунонии ёдгориҳои таърихию фарҳангии мамлакат дар Агентии ҳифзи мероси таърихию фарҳангии назди Ҳукумати Ҷумҳурии Тоҷикистон машғулияти омӯзишӣ баргузор гардид, иттилоъ медиҳад АМИТ «Ховар».
Дар машғулияти омӯзишӣ мутахассисони филиали Донишгоҳи давлатии Москва ба номи М.В.Ломоносов дар шаҳри Душанбе тартиби истифодаи ҳуҷҷатҳои электронӣ ва танзими имзои электрониро тибқи Қонуни Ҷумҳурии Тоҷикистон «Дар бораи ҳуҷҷати электронӣ ва имзои электронӣ» шарҳ доданд.
Директори Агентӣ Шералӣ Хоҷазода иброз дошт, ки мақсади рақамикунонии ёдгориҳои таърихию фарҳангӣ ҳифзи ёдгориҳои таърихию фарҳангӣ, эҳтиром ба таърихи халқи худ ва наслҳои минбаъда аст. Зеро ёдгориҳо таҷассумгари таъриху тамаддун ва фарҳанги мардуми тоҷик маҳсуб мешаванд.
Ходими калони илмии шуъбаи илм, инноватсия, муносибатҳои байналмилалӣ ва табъу нашри Филиали Донишгоҳи давлатии Москва ба номи М.В.Ломоносов дар шаҳри Душанбе Дилором Ҳамидова иброз намуд, ки истифодаи зеҳни сунъӣ барои ҳифзи мероси таърихию фарҳангӣ имконияти нав фароҳам меорад.
Технологияҳои зеҳни сунъӣ имкон медиҳанд, ки сабти рақамӣ, назорат ва барқарорсозии ёдгориҳо ба таври мушаххас ва дақиқ анҷом дода шавад. Ин барои Ҷумҳурии Тоҷикистон бо назардошти мероси ғании фарҳангӣ ва хатарҳои табиии он махсусан муҳим аст.
Мувофиқи маълумоти ЮНЕСКО, ҳоло дар саросари ҷаҳон қариб 1200 ёдгории мероси ҷаҳонӣ мавҷуд мебошад. Онҳо ба се категория тақсим мешаванд: фарҳангӣ (беш аз 900 адад), табиӣ (беш аз 200 адад) ва омехта (беш аз 30 адад). Ин ёдгориҳо дар зиёда аз 160 кишвари ҷаҳон ҷойгир шуда, барои тамоми инсоният арзиши барҷастаро ифода мекунанд.
Ҳоло зеҳни сунъӣ ба яке аз равандҳои муҳимтарини рушди илму технология табдил ёфта, истифодаи самараноки он метавонад дар бисёр соҳаҳо, махсусан дар соҳаи ҳифзи мероси таърихию фарҳангӣ раванди корро самараноктар гардонад.
Ёдовар мешавем, ки Президенти Ҷумҳурии Тоҷикистон муҳтарам Эмомалӣ Раҳмон дар Паём ба Маҷлиси Олӣ «Дар бораи самтҳои асосии сиёсати дохилӣ ва хориҷии ҷумҳурӣ» (16 декабри соли 2025) барои вусъат бахшидан ба равандҳои инноватсионӣ ва истифодаи ҳамаҷонибаи имконияти технологияҳои рақамӣ дар иқтисодиёт солҳои 2025-2030-ро дар Тоҷикистон Солҳои рушди иқтисоди рақамӣ ва инноватсия эълон намуданд.
АКС: АМИТ «Ховар»
Таҳти унвони «Меандешам пас ҳастам» намоиши осори Рассоми халқии Тоҷикистон Сӯҳроб Қурбонов оғоз гардид
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
