Кормандони Осорхонаи миллии Тоҷикистон Наврӯзи байналмилалиро сарҷамъона таҷлил намуданд
ДУШАНБЕ, 06.04.2026. /АМИТ «Ховар»/. Наврӯз ҳамчун яке аз ҷашнҳои бостонии миллати тоҷик дорои таърихи куҳан буда, решаҳои он ба умқи асрҳо мерасанд. Чунин иброз намуд директори Осорхонаи миллии Тоҷикистон Зафаршо Иброҳимзода дар базми наврӯзие, ки дар Осорхонаи миллӣ баргузор гардид. Дар ин хусус АМИТ «Ховар» бо истинод ба Осорхонаи миллии Тоҷикистон иттилоъ медиҳад.
Дар ҳамоиш гуфта шуд, ки дар даврони соҳибистиқлолӣ бо талошҳои пайгиронаи Президенти Ҷумҳурии Тоҷикистон муҳтарам Эмомалӣ Раҳмон Наврӯз мақоми байналмилалӣ касб намуда, имрӯз ҳамчун унсури муҳимми ҳувияти миллӣ ва арзиши фарҳангии умумибашарӣ эътироф гардидааст.
Дар доираи чорабинӣ аз фонди осорхона якчанд намунаи нодири осори ҳунарӣ, аз ҷумла гулдӯзиҳои миллӣ ба маърази тамошо гузошта шуданд, ки сатҳи баланди ҳунари мардумӣ ва анъанаҳои деринаи фарҳангии тоҷиконро таҷассум менамоянд. Ин осор ҳамчун бозгӯкунандаи таърихи ғанӣ ва мероси фарҳангии миллат аҳамияти муҳими илмӣ ва маърифатӣ дорад.
Ҳамзамон дар ҳамоиш аз ҷониби кормандони муассиса барномаҳои фарҳангӣ, аз ҷумла иҷрои бозиҳои суннатӣ ва қироати шеърҳо дар васфи Наврӯз пешниҳод гардид, ки ба фазои идона ҳусни тоза бахшиданд.
Дар анҷоми чорабинӣ роҳбарияти муассиса як зумра кормандони фаъолро барои саҳми арзанда дар татбиқи сиёсати фарҳангии давлатӣ, бахусус дар рушди соҳаи осорхонашиносӣ бо «Сипоснома» қадрдонӣ намуд.
АКС: Осорхонаи миллии Тоҷикистон
«ЗАБОНИ МО – ҶАҲОНИ МО». 16 октябр Анҷумани сеюми забоншиносони давлатҳои ҳамзабону ҳамфарҳанг баргузор мегардад
ФИЛМҲОИ МИЛЛӢ ДАР ҶАШНВОРАҲОИ БАЙНАЛМИЛАЛӢ ЭЪТИРОФ ВА ҚАДРДОНӢ МЕШАВАНД. Эҳдо ба Рӯзи кинои тоҷик
Дар Минск бахшида бо Рӯзи байналмилалии бузургдошти Ҳофизи Шерозӣ ҳамоиш доир шуд
Дар даври ҷамъбастии Озмуни ҷумҳуриявии «Тоҷикистон-Ватани азизи ман» 581 довталаб иштирок менамояд
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
