Иқтидори Тоҷикистон дар Форуми глобалии энергетикӣ дар шаҳри Вашингтон муаррифӣ гардид

ДУШАНБЕ, 11.06.2026 /АМИТ «Ховар»/. 9 июн дар шаҳри Вашингтон Форуми глобалии энергетикӣ баргузор гардид, ки дар он Сафири Фавқулода ва Мухтори Ҷумҳурии Тоҷикистон дар Иёлоти Муттаҳидаи Амрико Завқӣ Завқизода иқтидори васеъ ва дастовардҳои соҳаи энергетикаи Тоҷикистонро дар даврони соҳибистиқлолӣ муаррифӣ намуд. Дар ин хусус ба АМИТ «Ховар» аз Сафорати Ҷумҳурии Тоҷикистон дар Иёлоти Муттаҳидаи Амрико хабар доданд.

Таъкид гардид, ки Президенти Ҷумҳурии Тоҷикистон муҳтарам Эмомалӣ Раҳмон таъмини истиқлолияти энергетикиро ҳадафи стратегии рушди ҷумҳурӣ муайян намудаанд. Барои ноил шудан ба он дар Тоҷикистон лоиҳаҳои бузург ва миёнаи инфрасохтори энергетикӣ, аз ҷумла сохтмони Неругоҳи барқи обии «Роғун», хати баландшиддати интиқоли неруи барқ «КАСА-1000» ва дигарҳо сохта шуда, корҳо дар баъзеи онҳо идома доранд.

Дар Форум намояндагони як қатор ташкилоту ширкатҳои соҳаи энергетика ва коршиносони марказҳои тадқиқотии Амрико иштирок намуданд.

АКС: Сафорати Ҷумҳурии Тоҷикистон дар Иёлоти Муттаҳидаи Амрико