Масъалаи таъсиси корхонаи коркарди пашм ва бунёди боғи пистаи туркӣ дар вилояти Хатлон баррасӣ гардид
ДУШАНБЕ, 06.06.2026 /АМИТ «Ховар»/. 5 июн дар доираи Форуми байналмилалии сайёҳии «Хатлон — сарзамини тамаддунҳо ва саёҳат», ки 4 июн дар деҳаи Чилдухтарони ноҳияи Муъминобод оғоз гардид, Раиси вилояти Хатлон Давлаталӣ Саид бо ҳамоҳангсози Агентии Туркия оид ба ҳамкорӣ ва ҳамоҳангсозӣ (ТИКА) дар Ҷумҳурии Тоҷикистон Иброҳим Этҳем Унал мулоқот намуд. Зимни суҳбат мусоҳибон масъалаи таъсиси корхонаи коркарди пашм ва бунёди боғи пистаи туркиро дар вилояти Хатлон баррасӣ намуданд.
Тавре АМИТ «Ховар» бо истинод ба Мақомоти иҷроияи ҳокимияти давлатии вилояти Хатлон хабар медиҳад, дар вохӯрӣ ҷонибҳо масъалаҳои рушди ҳамкории мутақобилан судманд, татбиқи лоиҳаҳои иҷтимоӣ ва иқтисодӣ, инчунин пешниҳодҳои нави ҳамкорӣ барои солҳои минбаъда мавриди баррасӣ қарор доданд.
Иброҳим Этҳем Унал аз раванди амалисозии лоиҳаҳои ТИКА дар Тоҷикистон ёдовар шуда, иброз намуд, ки агентӣ минбаъд низ омода аст ҳамкориро бо вилояти Хатлон густариш диҳад.
Гуфта шуд, ки ТИКА татбиқи як қатор лоиҳаҳоро дар соҳаҳои тандурустӣ, кишоварзӣ ва рушди деҳот идома дода, барои амалӣ намудани ташаббусҳои нав низ таваҷҷуҳ зоҳир менамояд.
Дар рафти мулоқот ҳамчунин масъалаи таъсиси корхонаи коркарди пашм дар вилояти Хатлон баррасӣ гардид.
Иброз шуд, ки дар вилоят имконият ва ашёи хоми зарурӣ барои ташкили чунин истеҳсолот мавҷуд буда, ба роҳ мондани фаъолияти корхона метавонад ба афзоиши истеҳсолот, таъсиси ҷойҳои нави корӣ ва истифодаи самараноки захираҳои маҳаллӣ мусоидат намояд.
Раиси вилояти Хатлон аз ин ташаббус ҷонибдорӣ намуда, таъкид кард, ки мақомоти иҷроияи ҳокимияти давлатии вилоят барои амалисозии чунин лоиҳаҳои истеҳсолӣ омодаи ҳамкорӣ ва дастгирӣ мебошад.
Ҳамчунин дар мулоқот бунёди боғи пистаи туркӣ дар вилояти Хатлон мавриди муҳокима қарор гирифт. Баён гардид, ки шароити иқлимии минтақаҳои алоҳидаи вилоят барои парвариши ин навъи зироат мусоид буда, ҷонибҳо имконияти татбиқи лоиҳаҳои муштаракро дар ин самт баррасӣ намуданд.
Ҳамсуҳбатон омодагии худро барои густариши ҳамкорӣ ва татбиқи лоиҳаҳои нави муштарак ба манфиати рушди иҷтимоиву иқтисодии вилояти Хатлон изҳор доштанд.
АКС: Мақомоти иҷрояи ҳокимияти давлатии вилояти Хатлон
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши идона баргузор гардид
Ба ифтихори Рӯзи Ваҳдати миллӣ дар Кумитаи ҳифзи муҳити зист ҳамоиши тантанавӣ баргузор шуд
Дар Вена оид ба таъсиси низоми «Равзанаи ягона» барои минтақаҳои озоди иқтисодии Тоҷикистон санади грантӣ ба имзо расид
Дар Фурудгоҳи байналмилалии Душанбе кӯшиши ворид намудани рақами қалбакии давлатии воситаи нақлиёт ошкор гардид
Намояндагони Хадамоти обуҳавошиносии Корея бо фаъолияти Агентии обуҳавошиносии Тоҷикистон шинос шуданд
Намояндаи Тоҷикистон дар ҷаласаи Раёсати Шурои соҳибкории СҲШ дар Бишкек иштирок намуд
Дар Форуми сармоягузории СҲШ имкониятҳои сармоягузории Тоҷикистон муаррифӣ гардид
Иқтидорҳои гидроэнергетикии Тоҷикистон дар муколамаи панелии Форуми OPEC дар Вена муаррифӣ шуд
Дар ноҳияи Зафарабод беш аз 6 ҳазор гектар ғалладонагӣ кишт карда шудааст
Дар ноҳияи Зафаробод агрегати нави пойгоҳи обкашӣ васлу насб карда шуд
Дурнамои рушди муносибатҳои дуҷонибаи Тоҷикистон ва Бонки ҷаҳонӣ дар Вена баррасӣ гардид
Дар Душанбе раванди татбиқи лоиҳаҳои муштараки сармоягузорӣ бо Бонки аврупоии таҷдид ва рушд баррасӣ шуд
