Сардори Хадамоти алоқаи Тоҷикистон дар ҷаласаи роҳбарони мақомоти алоқаи кишварҳои ИДМ иштирок намуд
ДУШАНБЕ, 06.06.2026 /АМИТ «Ховар»/. 5 июн дар шаҳри Санкт-Петербурги Федератсияи Русия ҷаласаи муштараки 65-уми Шурои Иттиҳоди минтақавии ҳамкории алоқа (РСС) ва 32-юми Шурои ҳамоҳангсозии кишварҳои Иттиҳоди Давлатҳои Мустақил баргузор гардид, ки дар он сардори Хадамоти алоқаи назди Ҳукумати Ҷумҳурии Тоҷикистон Исфандиёри Саъдулло иштирок намуд.
Тавре АМИТ «Ховар» бо истинод ба Хадамоти алоқаи ҷумҳурӣ хабар медиҳад, дар ҷаласа роҳбарони мақомоти давлатии соҳаи алоқа ва технологияҳои иттилоотии кишварҳои узви Иттиҳоди минтақавии ҳамкории алоқа ва Иттиҳоди Давлатҳои Мустақил, намояндагони созмонҳои байналмилалӣ ва коршиносони соҳа иштирок намуданд.
Исфандиёри Саъдулло масъалаҳои рушди ҳамкории минтақавӣ дар бахши телекоммуникатсия ва технологияҳои рақамиро баррасӣ намуда, ба аҳамияти густариши ҳамгироии рақамӣ байни мамлакатҳои минтақа таъкид намуд.
Яке аз мавзуъҳои меҳварии ҷаласа масъалаи роуминги байнидавлатӣ дар кишварҳои Иттиҳоди минтақавии ҳамкории алоқа ва Иттиҳоди Давлатҳои Мустақил буд. Иштирокчиён роҳҳои коҳиш додани хароҷоти хизматрасониҳои мобилӣ ҳангоми сафарҳои шаҳрвандон, беҳтар намудани дастрасӣ ба хизматрасониҳои алоқа ва фароҳам овардани шароити мусоид барои истифодаи шабакаҳои мобилӣ дар қаламрави мамлакатҳои ҳамкорро муҳокима карданд.
Ҳамчунин дар нишаст масъалаҳои омодагӣ ба Конфронси ваколатдори Иттиҳоди байналмилалии алоқа (ITU) дар соли 2026, рушди системаҳои алоқа дар мадорҳои ғайригеостатсионарӣ, таъсиси Фонди минтақавии рушди фазои рақамии соҳибихтиёр, татбиқи зеҳни сунъӣ ва таъсиси шурои минтақавии коршиносон оид ба зеҳни сунъӣ мавриди баррасӣ қарор гирифтанд.
Иштирокдорон як қатор санадҳо ва ташаббусҳои муҳимро барои таҳкими ҳамкорӣ дар бахши алоқа, технологияҳои иттилоотӣ ва рақамикунонии иқтисодиёти минтақа ҷонибдорӣ намуданд.
АКС: Хадамоти алоқаи назди Ҳукумати Ҷумҳурии Тоҷикистон
ЭНЕРГИЯИ «САБЗ». Дар корхонаҳои саноатӣ ва дигар иншооти вилояти Хатлон панелҳои офтобӣ насб карда мешаванд
НИШАСТИ МАТБУОТӢ. Дар Бадахшон дар шаш моҳ 25 корхонаю коргоҳи истеҳсолӣ ба истифода дода шуд
«НАҚЛИЁТИ «ҲУШМАНД»». Дар Душанбе ҷаласаи гурӯҳи кории татбиқи лоиҳаи рушди ин намуди нақлиёт баргузор гардид
Сохтмони зеристгоҳи барқии 110/10 кВ-и Варзишгоҳи миллӣ босуръат идома дорад
Дар нахустин Форуми маъданҳои муҳими Тоҷикистону Корея дар Сеул иқтидори маъдании Тоҷикистон муаррифӣ гардид
«КАРТОТЕКА». Вазорати нақлиёти Тоҷикистон ба низоми нави рақамии баҳисобгирии маблағу воситаҳо мегузарад
Дар шаш моҳ беш аз 930 ҳазор сайёҳи дохилию хориҷӣ мавзеъҳои сайёҳии Хатлонро тамошо намуданд
НИШАСТИ МАТБУОТӢ. Дар ноҳияи Лахш дар 8061 гектар зироати кишоварзӣ кишт карда шуд
Дар Душанбе нахустин Форум ва намоишгоҳи байналмилалии саноати хӯрокворӣ—«Тоҷикистон-2026» доир мегардад
Дар доираи Форуми маъданҳои муҳими Тоҷикистону Корея дар Сеул ҳайатҳои ду давлат вохӯрӣ анҷом доданд
Дар Хатлон ҳаҷми маҳсулоти кишоварзӣ ба беш аз 17,1 миллиард сомонӣ расонида шуд
НИШАСТИ МАТБУОТӢ. Ноҳияи Вахш ба хориҷи Тоҷикистон маҳсулоти кишоварзӣ содирот менамояд
