Аъзои ҳайати Маҷлиси умумичинии намояндагони мардумии Чин дар Осорхонаи миллӣ бо тамаддуни тоҷикон шинос гардиданд

ДУШАНБЕ, 18.09.2026 /АМИТ «Ховар»/. Дар доираи сафари корӣ ба Ҷумҳурии Тоҷикистон аъзои ҳайати Кумитаи кишоварзӣ ва корҳои деҳоти Маҷлиси умумичинии намояндагони мардумии Ҷумҳурии Мардумии Чин таҳти роҳбарии муовини раиси кумита Ли Тсзинхэн Осорхонаи миллии Тоҷикистонро тамошо намуда, бо таърихи бисёрҳазорсола ва фарҳанги пурғановати миллати тоҷик шинос гардиданд. Дар ин хусус АМИТ «Ховар» бо истинод ба Осорхонаи миллии Тоҷикистон итттилоъ медиҳад.

Ҳайати Маҷлиси умумичинии намояндагони мардумии Ҷумҳурии Мардумии Чин зимни сайри осорхонавӣ бо таъриху тамаддуни куҳанбунёд дар асоси ёдгориҳои нодири Шоҳроҳи Бузурги Абрешим, ки дар аҳди бостон мардуми бумии Осиёи Миёна, ниёгони тоҷикон – суғдиёну бохтариён дар он нақши муассир доштанд, аз наздик шинос шуданд.

Пас аз боздид Ли Тсзинхэн аз тамошои толорҳои намоишии Осорхонаи миллӣ изҳори хушнудӣ намуда, таассуроташро дар китоби «Меҳмонони фахрӣ»-и Осорхонаи миллии Тоҷикистон навишт.

АКС: Осорхонаи миллии Тоҷикистон