Дар Душанбе ҷаласаи Раёсат/Бюрои Ассамблеяи парлумонии Осиё баргузор гардид
ДУШАНБЕ, 25.09.2026 /АМИТ «Ховар»/. 24 сентябр дар шаҳри Душанбе ҷаласаи Раёсат/Бюрои Ассамблеяи парлумонии Осиё баргузор гардид. Дар ин хусус ба АМИТ «Ховар» аз Маҷлиси намояндагон хабар доданд.
Дар кори ҷаласа намояндагони парламентҳои давлатҳои аъзои Раёсат, аз ҷумла Қатар, Амороти Муттаҳидаи Арабӣ, Ҷумҳурии Исломии Эрон, Ҷумҳурии Тоҷикистон, Шоҳигарии Камбоҷа ва Шоҳигарии Баҳрайн иштирок намуданд.
Зимни нишаст масъалаҳои ташкилӣ ва самтҳои минбаъдаи фаъолияти Ассамблеяи парлумонии Осиё, аз ҷумла масъалаҳои марбут ба фаъолияти он барои соли 2027 мавриди баррасӣ қарор гирифта, қарорҳои дахлдор қабул гардиданд.
Бояд гуфт, ки 25–26 сентябр шаҳри Душанбе мизбони барномаи асосии чорабинии байналмилалӣ — ҷаласаи Кумитаи доимии Ассамблеяи парлумонии Осиё оид ба масъалаҳои иҷтимоӣ ва фарҳангӣ мебошад. Дар ин ҳамоиши муҳими байнипарламентӣ роҳбарон ва аъзои ҳайатҳои парламентии кишварҳои аъзои Ассамблея, инчунин Дабири кулл ва Котиботи Ассамблеяи парлумонии Осиё иштирок менамоянд. Дар маҷмуъ, дар ҷаласа иштироки намояндагони зиёда аз 20 давлати аъзо пешбинӣ шудааст.
Дар ҷараёни ҷаласа масъалаҳои мубрами иҷтимоӣ, фарҳангӣ ва гуманитарӣ, таҳкими ҳамкории байнипарламентӣ, табодули таҷриба ва густариши робитаҳои кишварҳои Осиё мавриди баррасӣ қарор мегиранд.
Баргузории чунин чорабинии бонуфузи байналмилалӣ дар пойтахти Тоҷикистон аҳамияти хос дошта, барои таҳкими муколамаи байнипарламентӣ ва рушди ҳамкории давлатҳои Осиё заминаи мусоид фароҳам меорад.
АКС: Маҷлиси намояндагони Маҷлиси Олии Ҷумҳурии Тоҷикистон
26 СЕНТЯБР — РӮЗИ МАҶЛИСИ ОЛӢ — ПАРЛАМЕНТИ ҶУМҲУРИИ ТОҶИКИСТОН. Фаъолияти мақоми қонунгузор барои пешрафти давлат равона шудааст
Вохӯрии роҳбарони гурӯҳҳои дӯстии байнипарлумонии Ҷумҳурии Тоҷикистон ва Давлати Қатар доир шуд
Муҳаммадризо Маҷидӣ: «Фарҳанг чун яке аз пояҳои муколама ва ҳамдигарфаҳмӣ байни мардуми Осиё хизмат менамояд»
Файзалӣ Идизода: «Ассамблеяи парламентии Осиё дар ташаккули фазои ҳамдигарфаҳмӣ ва ҳамбастагӣ нақши муҳим дорад»
Ҷаласаи Кумитаи доимии Ассамблеяи парламентии Осиё оид ба масъалаҳои иҷтимоӣ ва фарҳангӣ оғоз шуд
Мавсума Муинӣ бо раиси Комиссияи Сенати Шоҳигарии Камбоҷа оид ба ҳуқуқи инсон вохӯрӣ намуд
Мавсума Муинӣ бо роҳбари ҳайати Подшоҳии Баҳрайн Аҳмад Алсаллум вохӯрӣ намуд
Робитаҳои байнипарламентии Тоҷикистон ва Ҷумҳурии Кипр густариш меёбанд
Гурӯҳи дӯстии Маҷлиси намояндагони Маҷлиси Олии Ҷумҳурии Тоҷикистон бо ҳайати Ҷумҳурии Мардумии Чин вохӯрӣ намуд
Дар Душанбе дурнамои рушди ҳамкории байнипарламентии Тоҷикистон ва Бангладеш баррасӣ гардид
ПЕШВОИ МИЛЛАТ — МЕЪМОРИ ИСТИҚЛОЛИ ТОҶИКИСТОН. Мулоҳизаҳо дар ин маврид
Ҷаласаи Кумитаи доимии Ассамблеяи парламентии Осиё оид ба масъалаҳои иҷтимоӣ ва фарҳангӣ доир мегардад
