Дар Париж 35-солагии Истиқлоли давлатии Ҷумҳурии Тоҷикистон таҷлил шуд
ДУШАНБЕ, 11.09.2026 /АМИТ «Ховар»/. 9 сентябр дар шаҳри Париж бо ташаббуси Сафорати Ҷумҳурии Тоҷикистон дар Ҷумҳурии Фаронса ба муносибати 35-солагии Истиқлоли давлатии Ҷумҳурии Тоҷикистон чорабинӣ баргузор гардид.
Тавре ба АМИТ «Ховар» аз Сафорати Ҷумҳурии Тоҷикистон дар Ҷумҳурии Фаронса хабар доданд, дар чорабинӣ намояндагони Вазорати Аврупо ва корҳои хориҷии Ҷумҳурии Фаронса, сафирон ва дигар аъзои корпуси дипломатии муқими Париж, намояндагони созмонҳои байналмилалӣ, доираҳои соҳибкорӣ, илмию фарҳангии Фаронса, инчунин ҳамватанони муқими ин кишвар иштирок намуданд.
Сафири Фавқулода ва Мухтори Ҷумҳурии Тоҷикистон дар Ҷумҳурии Фаронса Ҷамшед Ҳомидзода доир ба аҳаммияти таърихии Истиқлоли давлатӣ ва дастовардҳои назарраси Тоҷикистон дар 35 соли соҳибистиқлолӣ ибрози назар намуд. Дар ин замина дастовардҳои мамлакат дар таҳкими давлатдории миллӣ, таъмини сулҳу субот, рушди устувори иқтисодию иҷтимоӣ ва болоравии нуфузи Тоҷикистон дар арсаи байналмилалӣ таъкид гардиданд.
Сафир ба рушди пайгиронаи муносибатҳои дӯстӣ ва ҳамкории мутақобили судманди Ҷумҳурии Тоҷикистон ва Ҷумҳурии Фаронса ишора намуда, омодагии Тоҷикистонро барои густариши минбаъдаи робитаҳои дуҷониба дар соҳаҳои сиёсӣ, иқтисодию тиҷоратӣ, сармоягузорӣ, фарҳангӣ, сайёҳӣ ва дигар самтҳои мавриди таваҷҷуҳи муштарак таъкид намуд.
Дар чорабинӣ намояндаи расмии Вазорати Аврупо ва корҳои хориҷии Ҷумҳурии Фаронса ба муносибати 35-солагии Истиқлоли давлатии Ҷумҳурии Тоҷикистон табрикоти худро иброз дошт.
Дар доираи чорабинӣ як зумра ҳамватанони фаъол барои саҳми муносиб дар таҳкими робитаҳои ҷомеаи тоҷикон, муаррифии фарҳангу арзишҳои миллӣ ва мусоидат ба фаъолияти ҷамъиятӣ бо сипосномаҳои Сафорати Ҷумҳурии Тоҷикистон дар Ҷумҳурии Фаронса қадрдонӣ гардиданд.
Ҳамчунин намоиши аксҳо доир ба таърих, фарҳанг, табиати нотакрор, мавзеъҳои сайёҳӣ ва дастовардҳои Тоҷикистони соҳибистиқлол ба маърази тамошо гузошта шуд.
Ба меҳмонон таомҳои миллии тоҷикӣ пешниҳод гардид. Онҳо имкон пайдо намуданд, ки бо унсурҳои фарҳанг, анъанаҳои миллӣ ва меҳмондӯстии мардуми Тоҷикистон аз наздик шинос шаванд.
АКС: Сафорати Ҷумҳурии Тоҷикистон дар Ҷумҳурии Фаронса
Нахустин Сафири Тоҷикистон дар Салтанати Умон ба Султони Умон эътимоднома супорид
РАШТ ДАР ДАВРОНИ СОҲИБИСТИҚЛОЛӢ. Мулоҳизаҳо оид ба нақши сиёсати давлатӣ дар рушди иқтисодию иҷтимоии ин ноҳия
Дар Ашқобод 35-солагии Истиқлоли давлатии Ҷумҳурии Тоҷикистонро таҷлил намуданд
Ба муносибати 35-солагии Истиқлоли давлатии Тоҷикистон дар Рашт иншооти таъйиноти гуногун ба истифода дода шуданд
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
35-СОЛАГИИ ИСТИҚЛОЛИ ДАВЛАТӢ. Дар ин давра дар Тоҷикистон 182 деҳаи нав таъсис дода шуд
Президенти Ҷумҳурии Тоҷикистон Эмомалӣ Раҳмон аз боғи интенсивии Пайванди Рашт дидан намуданд
Сарвари давлат Эмомалӣ Раҳмон корхонаи фаръии истеҳсоли шарбати Саноати хӯроквории минтақаи Раштро мавриди истифода қарор доданд
Пешвои миллат Эмомалӣ Раҳмон 15 иншоотро ба таври фосилавӣ дар ноҳияҳои Рашт, Нуробод, Сангвор, Лахш ва Тоҷикобод ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Рашт Мактаби президентӣ барои хонандагони болаёқатро ба истифода доданд
Дар Осорхонаи мероси Покистон гӯшаи мардумшиносии Тоҷикистон бо ёдгориҳои нави фарҳангӣ ва таърихӣ ғанӣ гардид
Сарвари давлат Эмомалӣ Раҳмон бо сафари корӣ ба ноҳияи Рашт ташриф оварданд
