Дар Суғд ба муносибати 35-солагии Истиқлоли давлатӣ бо иштироки беш аз 8 ҳазор нафар гузашти низомӣ доир гардид
ДУШАНБЕ, 07.09.2026 /АМИТ «Ховар»/. Имрӯз дар вилояти Суғд ба муносибати 35-солагии Истиқлоли давлатии Ҷумҳурии Тоҷикистон бо иштироки беш аз 8 ҳазор афсарону сарбозони Гарнизони Суғд, ҳайати шахсии сохторҳои қудратӣ, мақомоти ҳифзи ҳуқуқ ва ҳайати захираҳои сафарбарӣ гузашти низомӣ баргузор шуд. Дар ин хусус ба АМИТ «Ховар» аз хадамоти матбуоти Раиси вилояти Суғд хабар доданд.
Иброз гардид, ки дар даврони соҳибистиқлолии мамлакат бо ташаббус ва роҳнамоии Пешвои миллат муҳтарам Эмомалӣ Раҳмон ва Ҳукумати Тоҷикистон барои таҳкими сулҳу субот, таъмини амнияти давлату ҷомеа ва фароҳам овардани шароити мусоид барои зиндагии шоистаи мардум корҳои бузург ба анҷом расонида шуданд. Афсарону сарбозони Қувваҳои Мусаллаҳ ва кормандони мақомоти ҳифзи ҳуқуқу тартибот дар солҳои душвор ва дар шароити шиддат гирифтани вазъи минтақа ва ҷаҳон қарзи ватандӯстии худро дар назди халқу Ватан содиқона иҷро намуданд. Онҳо дар роҳи ба эътидол овардани вазъият, таъмини сулҳу субот ва мубориза бар зидди гурӯҳҳои экстремистию террористӣ саҳми арзанда гузоштанд.
Аз ин рӯ, метавон гуфт, ки имрӯз Қувваҳои Мусаллаҳи Ҷумҳурии Тоҷикистон ва мақомоти ҳифзи ҳуқуқу тартибот қодиранд манфиатҳои давлати соҳибистиқлолро сарбаландона ҳимоя намуда, сулҳу субот ва амнияти ҷомеаро таъмин намоянд.
Гузашти низомӣ бо тантанаю шукуҳи хос доир гардида, таҷассумгари эҳтиром ба арзишҳои миллӣ, садоқату самимияти низомиён ба марзу буми аҷдодӣ ва дастовардҳои даврони соҳибистиқлолии Ватани маҳбуб мебошад.
Ёдовар мешавем, ки 5 сентябр дар вилояти Суғд бо иштироки беш аз 35 ҳазор кормандони мақомоти иҷроияи ҳокимияти давлатии вилоят ва шаҳри Хуҷанд, ҳизбҳои сиёсӣ, мақомоти суд, прокуратура, адлия, аҳли зиё ва рӯзноманигорон, соҳаҳои маориф, фарҳанг, тандурустӣ, ҷавонон ва варзиш, занон, донишкадаву донишгоҳҳо, саноат, сайёҳӣ, нақлиёт, кишоварзӣ, ҳифзи муҳити зист, меъморӣ ва сохтмон, савдо ва хизматрасонӣ ва ҳунармандон бо намоиши дастовардҳои соҳаҳо дар даврони соҳибистиқлолӣ роҳпаймоӣ доир гардид.
АКС: Хадамоти матбуоти Раиси вилояти Суғд








Дар минтақаи Рашт 30 оилаи ниёзманд соҳиби манзили истиқоматӣ шуда, ду корхонаи саноатӣ фаъол гардид
Раёсати Шурои ҳамоҳангсозии мақомоти зиддимухаддиротии СААД дар соли 2027 ба Тоҷикистон гузашт
Дар Ёвон бинои иловагии муассисаи таълимӣ ва маркази инкишофи кӯдак ба истифода дода шуд
Дар ноҳияи Варзоб ду муассисаи нави таълимӣ барои 1485 хонанда ба истифода дода мешавад
Байни Тоҷикистон ва Амороти Муттаҳидаи Арабӣ Ёддошти тафоҳум оид ба эътирофи мутақобили шаҳодатномаҳои ронандагӣ ба имзо расид
Дар Прокуратураи генералӣ Рӯзи Президентро таҷлил намуданд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро шуд
Дар Минтақаи озоди иқтисодии «Суғд» муассисаҳои таълимӣ ва иншооти саноатӣ бунёд мегарданд
80 корманди мақомоти корҳои дохилӣ бо манзили зист таъмин мешаванд
Ба сохтмони бинои нави Коллеҷи омори шаҳри Ваҳдат санги асос гузошта шуд
Президенти Ҷумҳурии Тоҷикистон Эмомалӣ Раҳмон Беморхонаи байналмилалии Душанберо мавриди истифода қарор доданд
Сарвари давлат Эмомалӣ Раҳмон дар шаҳри Душанбе ҶДММ «Зари Душанбе»-ро ифтитоҳ намуданд






