Мулоқоти Президенти Тоҷикистон Эмомалӣ Раҳмон бо Сарвазири Малайзия Наҷиб Тун Абдул Раззоқ

Август 2, 2016 13:14
28449401640_b2c86277b7_z

Душанбе, 02.08.2016 /АМИТ «Ховар»/. Дар ҳошияи Форуми ҷаҳонии исломӣ-иқтисодӣ дар шаҳри Ҷакарта Асосгузори сулҳу Ваҳдати миллӣ-Пешвои миллат Президенти Ҷумҳурии Тоҷикистон муҳтарам Эмомалӣ Раҳмон бо Сарвазири Ҷумҳурии Малайзия Наҷиб Тун Абдул Раззоқ мулоқот кард.

Дар мулоқот вазъ ва дурнамои муносибатҳои дуҷонибаи Тоҷикистон ва Малайзия дар соҳаҳои мавриди таваҷҷуҳ баррасӣ шуда, мақоми хосса доштани ҳамёрӣ бо Ҷумҳурии Малайзия дар сиёсати хориҷии Ҷумҳурии Тоҷикистон махсус таъкид гардид.

Мулоқоту машваратҳои сатҳу зинаҳои гуногун дар доираи баргузории Форуми ҷаҳонии исломии иқтисодӣ имконияти мусоид барои таҳкими ҳамгироиҳои дуҷониба ва бисёрҷонибаи кишвари мо бо Малайзия ва дигар давлатҳои минтақа маънидод шуд.

28628388582_a21c9cb067_zҶонибҳо барои тақвият бахшидани ҷанбаи амалии ҳамкориҳои иқтисодию тиҷоратӣ, таъсис додан ва ба роҳ мондани кори Комиссияи муштараки байниҳукуматии Тоҷикистон ва Малайзияро иқдоми муҳим арзёбӣ намуданд.

Мусоҳибон барои афзун намудани нишондиҳандаҳои гардиши савдои хориҷии Тоҷикистон ва Малайзия, ҷалби доираи соҳибкории ин давлат барои амалисозии лоиҳаҳои ҳамкорӣ дар минтақаҳои озоди иқтисодии Тоҷикистон ва татбиқи лоиҳаи бунёди Маркази барқу гармидиҳии Шӯроб, ки дар ҳамбастагӣ бо яке аз ширкатҳои бонуфузи Малайзия пешбинӣ шудааст, фикру мулоҳизаҳои судманд баён доштанд.

Тақвияти муносибатҳои дуҷониба дар соҳаҳои маориф ва сайёҳӣ, инчунин ба роҳ мондани хатсайри мустақими ҳавоӣ байни Тоҷикистон ва Малайзия аз самтҳои афзалиятноки робитаҳои дуҷонибаи Тоҷикистон ва Малайзия арзёбӣ шуд.

Ҳар ду ҷониб таҳкими ҳамдастӣ дар мубориза алайҳи зуҳуроти номатлуби асри нав, аз қабили терроризму экстремизми байналмилалӣ омодагию ҳавасмандии худро изҳор дошта, таъкид намуданд, ки муборизаи дастаҷамъона бо ин зуҳуроти харобиовар на танҳо заминаи рушди ҳамаҷонибаи кишварҳои мусулмониро фароҳам меорад, балки барои ҳифзи симои поки дини мубини ислом дар ҷаҳони муосир мусоидат менамояд.

Дар мулоқот ҳамчунин дигар масъалаҳои мавриди таваҷҷуҳи тарафҳо баррасӣ шуд.

Август 2, 2016 13:14

Хабарҳои дигари ин бахш

Паёми телевизиони ба муносибати фарорасии мохи РамазонПаёми Пешвои миллат ба муносибати фарорасии моҳи шарифи Рамазон
34741077182_7891fd15a7_zМаҷлиси Ҳукумати Ҷумҳурии Тоҷикистон
????????????????????????????????????Мулоқоти Пешвои миллат Эмомалӣ Раҳмон бо Вазири корҳои хориҷӣ ва ҳамкориҳои байналмилалии Амороти Муттаҳидаи Араб Шайх Абдулло бин Зойид Оли Наҳён
Рузи чавонон 2017Иштироки Пешвои миллат Эмомалӣ Раҳмон дар ҷамъомади идона ба ифтихори Рӯзи ҷавонон
2017-05-23ruzi_javonon_s_0 (1)Суханронии Пешвои миллат дар барномаи фарҳангӣ бахшида ба Рӯзи ҷавонон дар Варзишгоҳи марказии пойтахт
Эмомали Рахмон и Тереза МэйБарқияи тасаллияти Пешвои миллат ба Сарвазири Шоҳигарии Муттаҳидаи Британияи Кабир ва Ирландияи Шимолӣ Тереза Мей
Касри миллатПаёми телевизионии Пешвои миллат ба ифтихори Рӯзи ҷавонон
33962845334_5c9b52367b_zМулоқотҳои Пешвои миллат Эмомалӣ Раҳмон бо роҳбарони як қатор кишварҳои иштирокчии нахустин Саммити сарони давлатҳои олами арабӣ, исломӣ ва Иёлоти Муттаҳидаи Амрико
34419814870_6e867cf3af_zМулоқоти Пешвои миллат Эмомалӣ Раҳмон бо Сарвазири Ҷумҳурии Лубнон Саад Ҳарирӣ
34765600286_72cf9ff1d3_zМулоқоти Пешвои миллат Эмомалӣ Раҳмон бо Сарвазири Ҷумҳурии Халқии Бангладеш хонум Шайх Ҳасина Вазед
33995922413_cc356bf314_zИштироки Пешвои миллат Эмомалӣ Раҳмон дар нахустин Саммити сарони давлатҳои олами арабӣ, исломӣ ва Иёлоти Муттаҳидаи Амрико
2017-05-22summit_us_sСуханронии Пешвои миллат Эмомалӣ Раҳмон дар Саммити сарони давлатҳои олами арабу ислом ва Амрико