Бозиҳои ниҳоии Чемпионати Осиё (U-19) дар гурӯҳи «А» ҷамъбаст шуданд

Душанбе, 20.10.2016 /АМИТ «Ховар»/. Дастаҳои мунтахаби Баҳрайн ва Арабистони Саудӣ баъди ҷамъбасти бозиҳои гурӯҳи «А» ба даври чорякниҳоӣ роҳхат гирифта, муборизаро барои унвони чемпионӣ идома медиҳанд. Дастаи мунтахаби Баҳрайн дар бозии охирини худ бо натиҷаи 3:2 бар Таиланд ва Арабистони Саудӣ бар Кореяи ҷанубӣ бо ҳисоби 2:1 ғалаба карданд. Дар натиҷа се даста- Баҳрайн, Арабистони Саудӣ ва Кореяи ҷанубӣ соҳиби  6-холӣ гаштанд, аммо тибқи низомномаи мусобиқа аз натиҷаи бозиҳои байниҳамдигарӣ ва голҳои задашуда бартарӣ ба дастаҳои мунтахаби ғарби Осиё мансуб дониста шуд.

                             Group A

Дастаи мунтахаби Тоҷикистон, ки дар гурӯҳи «Д» ҳунарнамоӣ дорад, баъди пирӯзӣ бар дастаи мунтахаби Чин бо натиҷаи 2:0 рӯзи гузашта машқҳои барқароркунӣ ва ё озоди худро барпо кард.
Имрӯз бозиҳо дар гурӯҳи «Б» низ ҷамъбаст мешаванд. Кореяи шимолӣ бо АМА ва Ироқ бо Ветнам қувва меозмоянд.