Вакилон ба мардуми Тоҷикистон савганд ёд карданд

Октябрь 3, 2016 11:51, 5 387 хонанда

Хабарҳои мавзӯъ

Душанбе, 03.10.2016. /АМИТ «Ховар»/. Бори нахуст дар таърихи парламентаризми тоҷик 3 октябри соли 2016 вакилони Маҷлиси намояндагони Маҷлиси Олии Ҷумҳурии Тоҷикистон аз минбари Парлумон дар назди Парчами давлатӣ дасти рости худро болои Конститутсияи Ҷумҳурии Тоҷикистон гузошта, ба мардуми Тоҷикистон савганд ёд карданд.

parlament
Аввалин шуда, Шукурҷон Зуҳуров, Раиси Маҷлиси намояндагони Маҷлиси Олии Ҷумҳурии Тоҷикистон, ки ҳамзамон вакил аз ҳавзаи интихоботии Рашт№12 мебошад, дар назди вакилон ба халқи Тоҷикистон савганд ёд кард, ки матнаш чунин аст: «Ман, Зуҳуров Шукурҷон, вакили Маҷлиси намояндагони Маҷлиси Олии Ҷумҳурии Тоҷикистон, бо дарки масъулият ба халқи Тоҷикистон савганд ёд мекунам, ки манфиатҳои миллат ва давлатро аз ҳама боло гузошта, фаъолияти худро дар асоси Конститутсия ва қонунҳои Ҷумҳурии Тоҷикистон амалӣ намуда, тамоми неру, дониш ва таҷрибаамро барои рушди иқтисодӣ ва иҷтимоии кишвар, таҳкими ваҳдати миллӣ ва истиқлолияти давлатӣ, таъмини ҳуқуқу озодиҳои инсон ва шаҳрванд равона сохта, дар таҳия ва қабули қонунҳо содиқона ва поквиҷдонона иштирок менамоям».
Бояд тазаккур дод, ки бар асоси тағйиру иловаҳо ба Конститутсияи Ҷумҳурии Тоҷикистон, ки 22 майи соли равон дар асоси баргузории раъйпурсӣ сурат гирифт, ба қисми 7-уми моддаи 49-и Конститусияи Ҷумҳурии Тоҷикистон тағйирот ворид карда шуд, ки тибқи он вакили Маҷлиси намояндагон баъди интихоб шуданаш ба мардуми Тоҷикистон савганд ёд мекунад. Ҳамзамон Парлумони кишвар ба Қонуни конститутсионии Ҷумҳурии Тоҷикистон «Дар бораи вазъи ҳуқуқии узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикистон» тағйиру иловаҳои дахлдор ворид намуд.
Мавриди зикр аст, ки Маҷлиси намояндагони Маҷлиси Олии Ҷумҳурии Тоҷикистон палатаи поёнии Парлумони Тоҷикистон буда, аз 63 вакил иборат мебошад. Вакилони Маҷлиси намояндагони ба муҳлати 5 сол тавассути баргузории интихоботи Маҷлиси намояндагони Маҷлиси Олии Ҷумҳурии Тоҷикистон аз ҷониби мардум интихоб карда мешаванд.

Октябрь 3, 2016 11:51, 5 387 хонанда

Хабарҳои дигари ин бахш

31761150026_d18a54638c_zИроаи Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон
Аъзои Маҷлиси миллӣ ба хотири таҳкими ваҳдати миллӣ ва истиқлолияти давлатӣ ба номи халқи Тоҷикистон савганд ёд карданд
parlament-0Дар асоси Қонуни конститутсионии Ҷумҳурии Тоҷикистон «Дар бораи Асосгузори сулҳу ваҳдати миллӣ- Пешвои миллат» Фонд, Орден ва Ҷоизаи Пешвои миллат таъсис дода мешавад
Парлумон-слайдДар Тоҷикистон қонуни хизматрасониҳои пардохтӣ ва низоми пардохтӣ қабул мегардад
sajmumin-yatimovКормандони мақомоти амнияти миллии кишвар дар ҳолатҳои зарурӣ ҳуқуқ доранд вориди манзилҳои шаҳрвандон гарданд
ПарлумонДар Тоҷикистон бори аввал Қонуни Ҷумҳурии Тоҷикистон «Дар бораи таҳсилоти калонсолон» қабул карда мешавад
omqavai0cbg9emxcaqr9ud4ylkslmsl1Тоҷикистону Русия барои рушди шарикии стратегӣ аз тамоми имконот истифода менамоянд
30179024832_1304ec2e9f_zВалентина Матвиенко: «Тоҷикистон кишварест, ки тавонистааст орзую ормонҳои мардумашро ҷомаи амал пӯшонад»
nhya7nufpufqwdgevk5lwawzsabklfpkШукурҷон Зуҳуров: «Шарикии стратегӣ ва муттаҳидӣ бо Русия аз авлавиятҳои сиёсати хориҷии Тоҷикистон аст»
РусияДар Душанбе форуми байнипарлумонии Тоҷикистону Русия оғоз меёбад
Парлумон 2Шаҳрвандони Тоҷикистон ҳуқуқ доранд минбаъд Парчами давлатии кишварро дар манзилҳои истиқоматиашон низ овезон намоянд
ПарлумонСафари кӯтоҳмуддати маҳкумшудагон берун аз муассисаҳои ислоҳӣ бо ризоияти прокурор сурат мегирад