Дар мавзеъҳои хатарноки Тоҷикистон хатари тармафароӣ боқӣ мемонад

Февраль 6, 2017 11:54

ДУШАНБЕ, 06.02.2017. /АМИТ «Ховар»/. Хатари фаромадани тарма дар роҳҳои Тоҷикистон ҳамоно зиёд аст. Сардори маркази матбуоти Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Умеда Юсупова ба хабарнигори АМИТ «Ховар» иттилоъ дод, ки Ситоди фаврии муштарак то ҳол дар ҷойҳои хатарнок фаъолият бурда истода, тамоми техникаи зарурӣ дар он ҷо сафарбар карда шудаст.
«Аммо ба ин нигоҳ накарда, эҳтимолияти фаромадани тарма дар навоҳии ВМКБ, роҳҳои мошингарди Душанбе-Хоруғ, Душанбе-Хуҷанд, Душанбе-Ҷиргатол, Хоруғ-Мурғоб ва Хоруғ-Ишкошим боқӣ мемонад».
Дар ҳамин робита Умеда Юсупова аз сокинони кишвар хоҳиш менамояд, ки аз сафар ба минтақаи хатарнок худдорӣ кунанд ва хеле эҳтиёткор бошанд.
Ба иттилои ӯ, боришоти рӯзҳои охир боиси ҷамъшавии яхпораҳо ва шўшаҳо дар бомҳои биноҳо ва иншоот гаштаанд, ки афтодани онҳо метавонад боиси гирифтани ҷароҳат ва ҳодисаҳои нохуш гардад.
Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар муроҷиат ба шаҳрвандон ва меҳмонони кишвар тавсия медиҳад, ки зери лабгӯшаи боми хонаҳо, ки шӯшаҳо овезонанд, наистанд ва дар ин маврид ба рафтори кӯдакон ҷиддан диққат диҳанд.
«Ҳангоми мушоҳида кардани шӯшаҳо ва якпораҳои овезон дар бомгӯшаҳо кӯшиш кунед ташкилоти хизматрасонро огоҳ созед. Кормандони хизмати коммуналӣ маъмуранд, ки ба иттилои шумо вокуниш нишон диҳанд», -таъкид намуд У. Юсупова.
Ба диққати ронандагон расонида мешавад, ки дар ин рўзҳо нақлиёти худро зери биноҳо нагузоранд, зеро хавфи афтодани яхпораҳо ва шӯшаҳо хеле баланд аст. Бар асари тармафароии зиёд айни ҳол роҳи Душанбе-Хуҷанд ва Душанбе-Хоруғ баста буда, роҳи Душанбе-Ҷиргитол кушода аст, аммо бисёр душворгузар мебошад. «Аз ин рӯ, алалхусус аз ронандагони воситаҳои нақлиёт хоҳиш карда мешавад, ки аз сафар ба пойтахт ва ба вилояти Суғду Бадахшон худдорӣ намоянд» .
Бинобар иттилои шоҳидон, фаромадани тарма ва барфбориҳо бештар дар километрҳои аз 46 то 65-уми шоҳроҳи Душанбе-Хуҷанд мушоҳида мешаванд.
Ёдовар мешавем, ки дар пайи боришоти як ҳафтаи охир ва тармафароӣ, чанд нафар дар Бадахшон ва дар роҳи Душанбе-Хуҷанд ба ҳалокат расиданд.

Февраль 6, 2017 11:54

Хабарҳои дигари ин бахш

«ОИЛАИ БЕҲТАРИН». Ин озмун дар ноҳияи Ҷалолиддини Балхӣ баргузор гардид
Табибони тоҷик тариқи стентгузорӣ бемориҳои гуногунро табобат менамоянд
Ғолибони даври ҷумҳуриявии озмуни «Сайри гули лола» муайян карда шуданд
Кумакҳои навбатии Пешвои миллат муҳтарам Эмомалӣ Раҳмон ба зарардидагони офати табиии дар ноҳияҳои Рашт ва Тоҷикобод фиристода шуд
Байни Ҷумҳурии Тоҷикистон ва Подшоҳии Арабистони Саудӣ Ёддошти тафоҳум ба имзо расид
Ҳамкории Агентии хизмати давлатии Тоҷикистон бо мақомоти ваколатдори соҳаи хизмати давлатии Чин баррасӣ шуд
Ба зарардидагони ноҳияи Рашт масолеҳи сохтмонӣ, маводи озуқаворӣ ва маблағҳои пулӣ кумак расонида шуданд
Дар Душанбе вобаста ба инкишофи барвақтии кӯдак ҳамоиш доир шуд
Барномаи ҳамкорӣ байни Хадамоти иҷрои Тоҷикистон ва Хадамоти федералии иҷрочиёни судии Русия ба имзо расид
Муовини якуми Раиси ҲХДТ дар Форуми ҳизбҳои сиёсии Созмони ҳамкории Шанхай иштирок намуд
Ба сокинони шаҳри Ҳисор беш аз 450 ҷойи кори холӣ пешниҳод гардид
Дар Душанбе доир ба беҳтар гардонидани сифати ғизо ҳамоиш доир шуд