Баррасии лоиҳаи Кодекси тандурустии Ҷумҳурии Тоҷикистон дар Парлумон

Март 6, 2017 16:29

Хабарҳои мавзӯъ

shuroi-olli-6

ДУШАНБЕ, 06.03.2017/АМИТ «Ховар»/. Лоиҳаи Кодекси тандурустии Ҷумҳурии Тоҷикистон дар ҷаласаи Шӯрои палатаи поёнии Парлумони Тоҷикистон, ки имрӯз таҳти раёсати Шукурҷон Зуҳуров — Раиси Маҷлиси намояндагони Маҷлиси Олии Ҷумҳурии Тоҷикистон доир гардид, баррасӣ шуд.
Лоиҳаи Кодекси тандурустии Ҷумҳурии Тоҷикистонро ба аъзои Шӯро Ҳилолбӣ Қурбонзода -раиси кумитаи Маҷлиси намояндагон оид ба масъалаҳои иҷтимоӣ, оила ва ҳифзи саломатӣ тавзеҳ дода, гуфт: «Лоиҳаи Кодекси тандурустии Ҷумҳурии Тоҷикистон аз ҷониби Ҳукумати Ҷумҳурии Тоҷикистон дар иртибот ба иҷрои банди 3 Фармони Президенти Ҷумҳурии Тоҷикистон «Дар бораи Консепсияи пешгӯии инкишофи қонунгузории Ҷумҳурии Тоҷикистон», қарори Ҳукумати Ҷумҳурии Тоҷикистон «Дар бораи Барномаи давлатии татбиқи Консепсияи пешгӯии инкишофи қонунгузории Ҷумҳурии Тоҷикистон дар соҳаи меҳнат, ҳифзи иҷтимоӣ ва маориф барои солҳои 2012 — 2015» таҳия ва пешниҳод гардидааст».
Лоиҳаи Кодекси тандурустӣ аз 2 фасл, 29 боб ва 223 модда иборат буда, муносибатҳои ҷамъиятиро дар соҳаи тандурустӣ бо мақсади татбиқи ҳуқуқҳои конститутсионии шаҳрвандон ба ҳифзи саломатӣ танзим менамояд. Он инчунин ба низоми тадбирҳои дорои хусусияти сиёсӣ, иқтисодӣ, ҳуқуқӣ, иҷтимоӣ, фарҳангӣ ва тиббӣ, ки ба пешгирӣ ва табобати бемориҳо, нигоҳдории беҳдоштӣ ва санитарии ҷамъиятӣ ва таҳкими солимии ҷисмонию рӯҳии ҳар як инсон ва дарозумрӣ равона гардидааст.
Бояд тазаккур дод, ки бо қабули Кодекси тандурустӣ ҳамчун қонуни ягона ва мураттабгашта 16 санади меъёрии ҳуқуқии амалкунанда беэътибор дониста мешаванд.
Дар ҷаласаи Шӯро ҳамзамон Созишнома дар бораи ҳамкории давлатҳои аъзои Созмони ҳамкории Шанхай оид ба масъалаҳои сарҳадӣ ва доир намудани муҳокимаи парлумонӣ оид ба ҷараёни иҷрои Буҷети давлатии Ҷумҳурии Тоҷикистон ҷиҳати маблағгузории пардохти нафақа ва кумакпулиҳои иҷтимоӣ дар соли 2016 баррасӣ гардиданд.

Март 6, 2017 16:29

Хабарҳои дигари ин бахш

DSC_0738+Узви тозаинтихоби Маҷлиси миллӣ савганд ёд кард
Роҳбарони шаҳру вилоятҳо ва ноҳияҳо дигар намояндаи Президент дар маҳалҳо нестанд (3)Роҳбарони шаҳру вилоятҳо ва ноҳияҳо дигар намояндаи Президент дар маҳалҳо нестанд
Шурои олли, (1)Ба Дастури Маҷлиси миллӣ тағйиру иловаҳо ворид карда шуданд
ПарлумонҶонибдории пешниҳодҳои Президент аз сӯи аъзои Маҷлиси миллӣ оид ба бозхонд ва интихоби судяҳо
shuroi-olli-5Аъзои Маҷлиси миллӣ тағйиру иловаҳоро ба чор қонуни конститутсионӣ ҷонибдорӣ намуданд
Шурои олли, (1)Баррасии беш аз 50 масъала дар Шӯрои Маҷлиси миллӣ
Вазири адлияДар идораҳои САҲШ танҳо афроде кор карда метавонанд, ки дорои маълумоти олии ҳуқуқшиносӣ ва шаҳрванди Тоҷикистон бошанд
Амрихудо ДамдоровМинбаъд пинҳон доштани вазъи молу мулки аъзои Ҳукуматро мақомоти салоҳиятдор санҷида ва ошкор мекунанд
Ш. Зухуров ва Пан ЮнхеШ. Зуҳуров: «Дар иқтисодиёти Тоҷикистон Чин сармоягузори бузург аст»
Шурои олли, (1)Дар Тоҷикистон лоиҳаи қонуни нав-«Дар бораи сайёҳии дохилӣ» қабул мегардад
Парлумон-слайдДар шаҳри Душанбе иҷлосияи даҳуми Маҷлиси миллии Маҷлиси Олии Ҷумҳурии Тоҷикистон доир мегардад
Шурои олли, (1)Ваколати вакили Маҷлиси намояндагон пеш аз муҳлат қатъ гардид