Ба Кодекси ҳуқуқвайронкунии маъмурии Ҷумҳурии Тоҷикистон тағйироту илова ворид мегардад

Апрел 10, 2017 12:16

Хабарҳои мавзӯъ

чаласаи Шуро

ДУШАНБЕ, 10.04.2017/АМИТ «Ховар»/. Дар ҷаласаи Шӯрои Маҷлиси намояндагони Маҷлиси Олии Ҷумҳурии Тоҷикистон, ки имрӯз таҳти раёсати Раиси Маҷлиси намояндагон Шукурҷон Зуҳуров баргузор гардид, лоиҳаи Қонуни Ҷумҳурии Тоҷикистон «Дар бораи ворид намудани тағйироту илова ба Кодекси ҳуқуқвайронкунии маъмурии Ҷумҳурии Тоҷикистон» баррасӣ гардид. Доир ба ин масъала раиси Кумитаи Маҷлиси намояндагон оид ба қонунгузорӣ ва ҳуқуқи инсон Эмомалӣ Насриддинзода, аз ҷумла, гуфт, ки лоиҳаи Қонуни Ҷумҳурии Тоҷикистон «Дар бораи ворид намудани тағйироту илова ба Кодекси ҳуқуқвайронкунии маъмурии Ҷумҳурии Тоҷикистон» бо мақсади пешбинӣ намудани ҷавобгарии маъмурӣ барои пинҳон намудани иттилоот дар бораи доштани шаҳрвандии давлати дигар ҳангоми интихоб ё таъйин шудан ба вазифаҳои хизмати давлатӣ ва мансабҳои давлатие, ки қонунгузории Ҷумҳурии Тоҷикистон барои онҳо маҳдудияти доштани танҳо шаҳрвандии Ҷумҳурии Тоҷикистонро пешбинӣ намудааст, таҳия ва пешниҳод гардидааст.
Вобаста ба ин ба Кодекси ҳуқуқвайронкунии маъмурии Ҷумҳурии Тоҷикистон моддаи 501, эзоҳи 1 бо мазмуни зерин илова гардид: «Моддаи 501, эзоҳи 1. Пинҳон кардани иттилоот дар бораи доштани шаҳрвандии давлати дигар».
Барои аз ҷониби шаҳрванд пинҳон кардани иттилоот дар бораи доштани шаҳрвандии давлати дигар ҳангоми интихоб ва ё таъйин шудан ба вазифаҳое, ки қонунгузории Ҷумҳурии Тоҷикистон маҳдудият оид ба доштани шаҳрвандии давлати дигарро пешбинӣ менамояд, ба андозаи аз бист то сӣ нишондиҳанда барои ҳисобҳо ҷарима таъйин карда мешавад.
Дар ҷаласаи Шӯро ҳамзамон лоиҳаи қонунҳои Ҷумҳурии Тоҷикистон «Оид ба ворид намудани тағйирот ба Қонуни Ҷумҳурии Тоҷикистон «Дар бораи ҳимоя ва дастгирии давлатии соҳибкорӣ», ворид намудани тағйиру иловаҳо ба Кодекси гумруки Ҷумҳурии Тоҷикистон, ба Кодекси андози Ҷумҳурии Тоҷикистон» ва ба Кодекси мурофиаи ҳуқуқвайронкунии маъмурии Ҷумҳурии Тоҷикистон» баррасӣ шуданд.

Апрел 10, 2017 12:16

Хабарҳои дигари ин бахш

СулаймонБа қонуни мубориза бо коррупсия илова ворид карда шуд
Шерали МирзоСинни ба нафақа баромадани генералҳои Вазорати мудофиа се сол боло бурда шуд
парламентБоздиди Гопи Шах аз Парлумони Тоҷикистон
parДар тақвими расмии кишвар боз як ид зам гардид-20 март Рӯзи фарҳанг таҷлил мегардад
Шурои олли, (4)Вазорати молияи кишвар коғазҳои қиматноки давлатиро ба муомилот мебарорад
Шурои олли, (1)Имтиёз ба ширкатҳои туристӣ: воридоти таҷҳизот барои иншооти сайёҳӣ аз андоз озод мегарданд
parСинни ба нафақа баромадани кормандони мақомоти гумрук баланд бардошта шуд
Шариф РахимзодаПарлумон ба кодексҳои гумрук ва андоз тағйиру иловаҳо ворид менамояд
Парлумон1500 сомонӣ ҷарима барои пинҳон доштани душаҳрвандӣ
IMG_5685Боздиди вакили Бундестаги Олмон аз Парлумони Тоҷикистон
Палатаи хисоби ТочикистонБа мансаби раис, муовини раис ва сараудитори Палатаи ҳисоб минбаъд киҳо таъйин гардида метавонанд?
shuroi-olli-3Маҳдудият ба кормандони мақомоти гумруки Тоҷикистон ҷиҳати соҳиб шудан ба шаҳрвандии давлати дигар