Ҷоми AFC-2017: имрӯз бозии байни дастаҳои «Истиқлол» ва «Дордой» доир мешавад

Май 17, 2017 10:54

Хабарҳои мавзӯъ

Истиклол ба пеш

ДУШАНБЕ, 17.05.2017. /АМИТ«Ховар»/. Имрӯз бозии даври панҷуми марҳилаи гурӯҳии Ҷоми  Конфедератсияи футболи Осиё-2017 дар гурӯҳи «D» миёни дастаҳои «Дордой»-и Бишкек, ҷоизадори чемпионати Қирғизистон ва «Истиқлол»-и Душанбе, қаҳрамони Тоҷикистон баргузор мегардад. Вохӯрии мазкур  дар варзишгоҳи ба номи Долен Омурзоқови шаҳри  Бишкек соати 19:00 ба вақти маҳаллӣ (18:00 — ба вақти Душанбе) шурӯъ мешавад.

Ёдовар мешавем, ки  дастаи футболи  «Истиқлол» дар вохӯрии аввал дар марҳилаи гурӯҳии Ҷоми  Конфедератсияи футболи Осиё-2017 дар гурӯҳи «D» бар  дастаи  «Дордой» бо ҳисоби 2:0 пирӯз шудааст. Ин бозӣ 14 март дар Варзишгоҳи марказии шаҳри Душанбе барпо гардида буд. Ҳисобро ҳимоятгар Дэвид Мавутор, легионери африқоӣ аз Гана дар дақиқаи 17-ум кушод. Баъд аз панҷ дақиқа тӯби дуюмро ба дарвозаи «Дордой» Ҷаҳонгир Алиев ворид намуд.

Дар бозии дигари даври панҷум дар гурӯҳи «D» 17 май дастаи футболи  «Олтин Асир»-и Ашқобод, қаҳрамони Туркманистон дар майдони худ бо дастаи  «Олой»-и Ӯш, қаҳрамони Қирғизистон рақобат мекунад.

Баъди натиҷагирии чор даври мусобиқа дар ҷадвали гурӯҳи «D» дастаи «Истиқлол»-и Душанбе бо 10 имтиёз  дар ҷойи аввал қарор дорад. Дастаи «Олтин Асир»-и Ашқобод низ 10 имтиёз ба даст овардааст, вале бо назардошти таносуби тӯбҳо дар мақоми дуюм ҷой гирифтааст. Дастаи  «Дордой»-и Бишкек бо се имтиёз дар мақоми сеюм аст. Дастаи  «Олой»-и Ӯш бидуни имтиёз дар зинаи охирин — чаҳорум  ҷойгир шудааст.

 

 

 

Май 17, 2017 10:54

Хабарҳои дигари ин бахш

наврасонФутболбозони навраси тоҷик дар мусобиқаи байналмилалии Сочи иштирок мекунанд
1495606628_bez-imeni-17 нафар дзюдочӣ аз Тоҷикистон дар Чемпионати Осиё ширкат мекунанд
ДАСТАИ ВАХДАТЛигаи аввали футболи Тоҷикистон: «Ваҳдат» бар дастаи «Локомотив-Помир» ғалаба кард
Бозихои хамбастагии исломиzurhonaВарзишгарони тоҷик дар Бозиҳои ҳамбастагии исломӣ 4 медал ба даст оварданд
DSC_0814Ғолибони Дави миллӣ муайян шуданд
Дав--2006 (1)Дар Тоҷикистон пагоҳ Рӯзи Дави миллӣ баргузор мегардад
dordoi-istiklol«Истиқлол» дастаи «Дордой»-и Қирғизистонро бо ҳисоби калони 4:1 шикаст дод
0012Дар маҷмааи «Динамо» мусобиқаи байналмилалӣ оид ба гӯштини тарзи юнонию румӣ оғоз шуд
МусобикаСуҳроб Боқиев дар Ҷоми Аврупо оид ба дзюдо соҳиби медали нуқра гардид
Джахонгир МаджидовВарзишгарони ҷавони тоҷик дар Ӯзбекистон соҳиби нуҳ медал гардиданд
9Ҷоми Кумитаи иҷроияи ҲХДТ дар ноҳияи Синоро кӣ ба даст овард?
Якумин мусобиқаи байналмилалӣ барои дарёфти «Ҷоми Федератсияи тенниси Тоҷикистон»Аввалин мусобиқаи байналмилалӣ барои дарёфти «Ҷоми Федератсияи тенниси Тоҷикистон» дар Душанбе