«Телевизиони Сафина»: «Барои таҳияи филмҳои бисёрсериягӣ пайдо намудани сенарияи пурмазмуну пурмуҳтаво мушкил аст»
ДУШАНБЕ, 26.07.2018 /АМИТ «Ховар»/. Нишасти матбуотии Муассисаи давлатии «Телевизиони Сафина» доир ба натиҷаҳои фаъолият дар шашмоҳаи аввали соли 2018 бо суолу ҷавоби роҳбарияти ин муассиса бо намояндагони ВАО оғоз гардид.
Муовини аввали директори «Телевизиони Сафина» Каримҷон Азизов зимни посух ба суолҳои хабарнигорон, аз ҷумла, зикр кард, ки дар давраи ҳисоботӣ «Телевизиони Сафина» 15 барномаи нав, аз ҷумла, «Ёди рӯзгори ширин», «Хони Тоҷикистон», «Интихоб ё тасодуф», «Сайри Тоҷикистон», «Мантиқ», «Топ-5», «Инфографика», «Ҷаҳонзеб», «Комёб», «Соя», «Чашмаҳо», «Як саҳифаи таърих», «Орзуи ман» ва ғайраҳо таҳия намуда, амалишавии ду лоиҳа – «Шоирона» ва «Беҳтарин -2018»-ро идома дод.
К.Азизов ҳамчунин иброз дошт, ки дар давраи ҳисоботӣ Идораи таҳияи филмҳо ва дубляж 28 филми бадеиро тарҷума ва дубляж карда, пешниҳоди бинандагон гардонид.
«Телевизиони Сафина» тасмим гирифтааст, ки ба таҳияи филмҳои телевизионии бисёрсериягӣ шурӯъ намояд. Бо ин мақсад Шӯрои бадеӣ чандин сенарияҳоро мавриди таҳлилу омӯзиш қарор дод. Мутаассифона, то ҳанӯз ба Шӯрои мазкур сенарияи арзанда барои таҳияи филми бисёрсериягӣ пешниҳод нагардидааст. Дар таҳияи филмҳои бисёрсериягӣ «Телевизиони Сафина» ягон мушкилоти молӣ надорад. Мушкил дар пайдо намудани сенарияи пурмазмуну пурмуҳтаво аст», — афзуд К.Азизов.
Озмуни «Беҳтарин донандаи Конститутсияи Ҷумҳурии Тоҷикистон» баргузор шуд
Донишгоҳи техникии Тоҷикистон бо Донишгоҳи шаҳрсозии Тянҷин дар соҳаи таҳсилоти муҳандисии муосир ҳамкорӣ менамояд
Имрӯз дар Тоҷикистон ҳаво тағйирёбандаи бебориш пешгӯӣ мешавад
Таҳти унвони «Зеҳни сунъӣ ва омилҳои таъсирасон ба маърифати насли наврас» конференсия доир шуд
Дар Маркази тадқиқоти стратегӣ оид ба масъалаи тарбияи кадрҳои илмӣ ҳамоиш доир шуд
Дар Екатеринбург вохӯрии масъулини Сафорати Тоҷикистон бо ҷавонон ва донишҷӯёни тоҷик доир гардид
Файзалӣ Идизода дар Конфронси байналмилалии парламентӣ дар Ҷумҳурии Озарбойҷон иштирок намуд
Имрӯз дар водиҳои Тоҷикистон ҳаво то 27 дараҷа гарм мешавад
Дар Суғд барои омӯзгорони муассисаҳои таҳсилоти ибтидоии касбӣ машварати омӯзишӣ гузаронида шуд
ОГОҲӢ! Дар баъзе аз минтақаҳои Тоҷикистон чангу ғубор ба амал меояд
МегаФон Тоҷикистон: «Насиба Кенжаева аз ноҳияи Хуросон соҳиби Шоҳҷоизаи иқдоми «МегаМиллион» гардид»
Ҷаласаи минтақавии Кумитаҳои миллии ҳамоҳангсози содагардонии расмиёти савдои кишварҳои Осиёи Марказӣ доир гардид
