Дар Форуми вазирони фарҳанги кишварҳои ҷаҳон дар Париж устувор намудани мавқеи фарҳангро баррасӣ намуданд
ДУШАНБЕ, 21.11.2019 /АМИТ «Ховар»/. Тавре қаблан иттилоъ дода будем, дар шаҳри Парижи Франсия Форуми вазирони фарҳанги кишварҳои дунё бо сарпарастии ЮНЕСКО ҷараён дорад.
Форуми мазкур 19 ноябр ифтитоҳ ёфта, 20 ноябр кори худро идома дод. Дар кори он 140 нафар вазирони фарҳанг ва муовинони вазирон аз давлатҳои гуногун иштирок доранд.
Вазири фарҳанги Ҷумҳурии Тоҷикистон Шамсиддин Орумбекзода дар рӯзи аввали форум суханронӣ намуда, таваҷҷуҳи ҳозиринро ба фарҳанги қадимаву пурғановати миллати тоҷик ва сиёсати дарҳои кушоди пешгирифтаи Ҳукумати Ҷумҳурии Тоҷикистон бо роҳбарии Асосгузори сулҳу ваҳдати миллӣ, Пешвои миллат, Президенти мамлакат муҳтарам Эмомалӣ Раҳмон ҷалб кард.
Инчунин дар рӯзи дуюми форум Президенти Франсия Эммануэл Макрон ва Директори генералии ЮНЕСКО хонум Одрӣ Азуле суханронӣ намуданд.
Дар ин рӯз мавзӯъҳои устувор намудани мавқеи фарҳанг, мубориза ба муқобили тамоюлҳои номатлуб дар ҷомеа, ҳифзи ҳуқуқи кӯдакон ва ҷараёни иҷрои Конвенсияи байналмилалӣ оид ба ҳифзи ҳуқуқи кӯдак мавриди муҳокима қарор гирифтанд.
Ёдовар мешавем, ки дар ин форуми бонуфузи байналмилалӣ Вазири фарҳанги Ҷумҳурии Тоҷикистонро Сафири Тоҷикистон дар Франсия Ҷамолиддин Убайдулло ва Котиби Комиссияи ЮНЕСКО дар Тоҷикистон Зулфия Бурҳон ҳамроҳӣ доранд.
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
Дар Донишкадаи давлатии фарҳанг ва санъати Тоҷикистон Маркази машваратӣ-равоншиносӣ таъсис дода шуд
НИШАСТИ МАТБУОТӢ. Дар Консерваторияи миллии Тоҷикистон даврҳои кӯтоҳмуддати омӯзишӣ таъсис дода шудаанд
Лоиҳаи «Барномаи давлатии рушди адабиёти бачагона дар Ҷумҳурии Тоҷикистон барои солҳои 2026-2030» таҳия мегардад
