Ванҷ — макони сайёҳии кӯҳнавардӣ ва экологӣ

Апрель 6, 2020 10:00

ДУШАНБЕ, 06.04.2020/АМИТ «Ховар»/. Дар ин рӯзҳо роҳбарияти Кумитаи рушди сайёҳии назди Ҳукумати Ҷумҳурии Тоҷикистон ва масъулини Вилояти Мухтори Кӯҳистони Бадахшон бо сокинону фаъолони ҷамоату деҳот ва деҳаҳои дурдасти ноҳияи Ванҷ оид ба вусъати  раванди корҳои бунёдкорию созандагӣ, баррасии пешгирии бемории COVID-19 ва тадбирҳои андешидашуда дар ин самт мулоқот менамоянд.

Дар мулоқоту суҳбатҳои мазкур ба сокинони ноҳияи Ванҷ  оид ба сирояти коронавирус COVID-19 ва роҳҳои  пешгирии панҳшавии  он маълумот дода, риояи  қатъии гигиенаи шахсиро тавсия  намуданд.

Дар вохӯриҳо сокинони ноҳияи Ванҷ  изҳор медоранд, ки бо дастгириҳои пайвастаи Пешвои миллат муҳтарам Эмомалӣ Раҳмон симои маркази ноҳия ба куллӣ дигаргун шуда, иншооти муҳим бо иштироки бевоситаи Сарвари давлат ифтитоҳ гардиданд, ки имрӯз ба аҳолии ноҳия хизмат мерасонанд. Соҳибкорони ноҳия низ дар амалисозии тадбирҳо бахшида ба истиқболи сазовори 30-солагии Истиқлолияти давлатии Ҷумҳурии Тоҷикистон дар асоси нақшаи чорабиниҳои тасдиқшуда саҳми муносиб мегузоранд.

Ноҳияи Ванҷ дорои захираҳои бойи табиӣ барои рушди сайёҳии кӯҳнавардӣ ва экологӣ буда, мавзеъҳои таърихию истироҳатии он-пиряхҳои Хирсон, Федченко, Кашола Ях, мавзеъҳои Зинг, Дараи Довгӣ, Чашмаи Шоҳмастон, Язғулом ба рушди соҳа такони ҷиддӣ мебахшад. Маводи итилоотию тарғиботии Кумитаи рушди сайёҳӣ низ маконҳои тамошобоби минтақаро фаро гирифта, дар байни дӯстдорони сайру саёҳат ройгон паҳн карда мешавад.

Бо истифода аз имтиёзҳои андозию гумрукии аз ҷониби Ҳукумати мамлакат пешниҳодшуда, аз ҷумла тӯли панҷ соли аввали фаъолият аз андози фоида озод намудани ширкатҳои сайёҳӣ, аз андоз аз арзиши иловашуда ва боҷи гумрукӣ озод намудани воридоти таҷҳизот ва масолеҳи сохтмонӣ барои бунёди инфрасохтори сайёҳӣ ва то 50 фоиз коҳиш додани боҷи гумрукӣ барои воридоти мошинҳои нав ҳавасмандӣ ва таваҷҷуҳи соҳибкоронро барои фаъолият дар бахши сайёҳӣ ва бунёди инфрасохтори соҳа зиёд намудааст.

Сокинони ноҳияи Ванҷ дар  Солҳои рушди деҳот, сайёҳӣ ва ҳунарҳои мардумӣ кӯшиш доранд барои тақвияти рушди инфрасохтори сайёҳӣ, ки ба таъсиси ҷойҳои нави корӣ ва баланд гардидани сатҳи некуаҳволии сокинони маҳаллӣ мусоидат менамояд, аз имкониятҳои мавҷуда самаранок истифода намоянд.

Апрель 6, 2020 10:00

Хабарҳои дигари ин бахш

КОРИ ХАЙР. «Спитамен Бонк» 0,3%-и маблағи интиқолро бо доллари ИМА бармегардонад
Корхонаҳои ангишти мамлакат дар мубориза бо COVID-19 саҳм гузоштанд
НИҚОБ БО ОБИ НУҚРА. Дар Донишкадаи омӯзгории шаҳри Панҷакент ба истеҳсоли он шурӯъ карданд
Вазорати кишоварзӣ: «Бигроза» ва «Ред скарлет» вориди Тоҷикистон шуданд
ТАРҶЕҲ БА ИСТЕҲСОЛОТИ ВАТАНӢ! Корхонаҳои Тоҷикистон даҳҳо тонна собун, хлор ва маҳлулҳои антисептикӣ истеҳсол намуданд
ВАЗОРАТИ МОЛИЯИ ТОҶИКИСТОН: Қарзи имтиёзноки Хазинаи байналмилалии асъор ба соҳаҳои гуногуни иқтисоди миллӣ равона мегардад
COVID-19 ВА ИҚТИСОД. Сардори Раёсати Вазорати рушди иқтисод ва савдо дар суҳбат бо АМИТ «Ховар» натиҷаҳои таъсири пандемияро ба иқтисоди миллӣ низ пешгӯӣ намуд
Шариф Раҳимзода, директори Институти иқтисодиёт ва демография: «Таъсиру пайомадҳои коронавирус ба иқтисоди ҷаҳон аз буҳрони молиявии солҳои 2008-2009 шадидтар хоҳад буд»
COVID-19. Таъсири оқибатҳои бемории коронавирус ба иқтисодиёти ҷаҳон ва Ҷумҳурии Тоҷикистон
Аз 11,3 млн. доллари грантӣ аз ҳисоби маблағҳои АБР 6,3 миллионаш барои муқовимат бо COVID-19 пешбинӣ шудааст
«РУХИ ҶОНОНА». Ноҳияи Ашт ба содироти зардолу омодагӣ мегирад
Ӯзбекистон ба Тоҷикистон мошинҳои ёрии таъҷилӣ фиристод

Маводҳои таҳлилӣ