ҶОМИ ОСИЁ-2025. Дастаи мунтахаби наврасони Тоҷикистон (U-17) дар Ҷидда тамринҳои навбатӣ баргузор намуд

ДУШАНБЕ, 04.04.2025 /АМИТ «Ховар»/. Дастаи мунтахаби наврасони Тоҷикистон оид ба футбол омодагиро ба бозии аввали марҳилаи гурӯҳии Ҷоми Осиё-2025 ба муқобили тими Уммон идома медиҳад.

Тавре ба АМИТ «Ховар» аз Федератсияи футболи Тоҷикистон хабар доданд, дастаи Тоҷикистон бо роҳбарии Марко Раҷини 3 апрел дар Ҷидда якуним соат тамрин намуд. Ҳамаи 23 бозигаре, ки барои иштирок дар мусобиқа даъват шуда буданд, ба вохӯрии дар пешистода тайёрӣ мебинанд.

Дастаи мунтахаби наврасони то 17-солаи Тоҷикистон нахустин бозиашро дар Ҷоми Осиё-2025  5 апрел ба муқобили тими наврасони Уммон анҷом медиҳад. Ин бозӣ дар варзишгоҳи Шоҳ Абдулло дар Ҷидда баргузор шуда, соати 18:00 ба вақти маҳаллӣ (соати 20:00 ба вақти Душанбе) оғоз мешавад.

АКС: Федератсияи футболи Тоҷикистон