ҶАМЪБАСТИ ОЗМУНИ АСАРҲОИ БЕҲТАРИНИ ЖУРНАЛИСТОН

          Душанбе, 2 декабр. (АМИТ «Ховар», Пайрав Назаров).- 1 декабр дар Кохи Борбад натиҷаҳои маъракаи умумиҷумҳуриявӣ ҷамъбаст карда шуд, ки бахшида ба Рӯзи ҷаҳонии  мубориза ба муқобили СПИД таҳти шиори  «ВИЧ  ва СПИД- ро танҳо якҷоя барҳам додан мумкин аст»  баргузор гардид. Дар ин ҷо бо иштироки овозхонони маъруфи мамлакат консерти калон намоиш дода шуд. Дар ҷамъомад муовини сарвазири ҷумҳурӣ Руқия Қурбонова, вазири тандурустии ҷумҳурӣ Нусратулло Салимов, намояндаи  Муассисаи рушди СММ дар Тоҷикистон Иля Тодоров, муовини сарвазири ҷумҳурӣ Руқия Қурбонова ва дигарон  сухан карда, зикр намуданд, ки   бо назардошти зуҳуроти номатлуби  замони ҳозира  ҳеҷ кас худро аз мубориза ба муқобили бемориҳои хавфноки ВИЧ ва СПИД канор гирифта наметавонад.                Аз рӯи маълумоти расмӣ, айни ҳол дар Тоҷикистон 1333 нафар шахси бемори гирифтори ВИЧ ва СПИД ба қайд гирифта шудааст. Ҳукумати Тоҷикистон барои пешгирии  паҳн шудани ин бемориҳо ва расонидани кӯмак ба беморон ҳамаи тадбирҳоро меандешад. Мухбири АМИТ «Ховар» хабар медиҳад, ки  дар фарҷоми ҷамъомад озмуни асарҳои беҳтарини журналистон бахшида ба проблемаҳои  табобат ва пешгирии  ВИЧ ва СПИД ҷамъбаст карда  шуданд.