ҲАРАҶУ МАРАҶ ДАР МАСЪАЛАИ ТАЪИНИ РОҲБАРИ «ТОҶИКТЕЛЕКОМ»
Душанбе, 23 январ. (АМИТ «Ховар»). — Дар шумораи охирини ҳафтаномаи «Нақлиёт» таҳти унвони «Ҳасановро бо усули «хрушёвӣ» аз кор гирифтанд, Мирзоев ҳамагӣ 5 рӯз кор кард, Ҳикматов чӣ ?» мақола чоп шуд. Муаллифи мақола менависад, ки 16 декабри соли 2008 дар бораи озод кардани роҳбари Ҷамъияти саҳҳомии «Тоҷиктелеком» Раҳмоналӣ Ҳасанов овоза паҳн шуд. Дар ин бора шӯрои директорони Ҷамъияти саҳҳомӣ қарор қабул намудааст. Худи Ҳасанов хабари аз вазифа озод шуданашро аз барномаи «Ахбор» — и телевизион шунид. Шӯрои директорони Ҷамъияти саҳҳомии «Тоҷиктелеком» 17 декабри соли гузашта бо ҳамон усули пештара Нӯъмон Мирзоевро роҳбари Ҷамъияти саҳҳомӣ таъин намуд. Вале, чӣ мегӯед, ки худи Мирзоев аз ин қарор бехабар буд. Муовини вазири нақлиёт ва коммуникатсияи ҷумҳурӣ Бег Зуҳуров роҳбари нави ҷамъиятро бо кормандони он шинос намуд. Р.Ҳасанов ҳамон рӯз бо кормандони ҷамъият хайру хуш карда, сабаби аз кор сабукдӯш гардиданашро нафаҳмид. Вазири нақлиёт ва коммуникатсияи ҷумҳурӣ Абдураҳими Ашӯр баъди се рӯз Н.Мирзоевро ба муносибати ба вазифаи нав таъин шуданаш табрик намуд, вале ӯро 23 январ аз вазифа озод карданд. Роҳбари нави Ҷамъияти саҳомии «Тоҷиктелеком» ҳамагӣ панҷ рӯз кор кард. То ҳол сабабҳои ба вуҷуд омадани бесару сомониҳо ва ҳараҷу мараҷ дар «Тоҷиктелеком» маълум нестанд. Ҷамъияти мазкур то ҳол роҳбар надорад. Аз ин сабаб кормандони он музди корашонро гирифта наметавонанд. Айни ҳол вазифаи роҳбари ҷамъиятро сармуҳандиси Шабакаи телефонии шаҳри Душанбе Музаффар Ҳикматов иҷро мекунад. Журналистон ваъда доданд, ки ҳақиқати ҳолро рӯзҳои наздик ба хонандагон маълум хоҳанд кард.
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
