КИТОБДОРИ ПЕШСАФ БОЯД ЧӢ ГУНА БОШАД?

               Душанбе, 27 январ. (АМИТ «Ховар», Лутфия Эшонқулова).- 27 январ дар Китобхонаи бачагонаи ба номи М. Миршакар семинар-тренинги китобҳои бачагона ва мактабӣ таҳти унвони «Китобдори пешсаф чӣ гуна бояд бошад» баргузор мегардад. Семинари мазкур бо дастгирии Вазорати фарҳанги ҶТ ва агентии амрикоӣ «USAID» амалӣ мегардад. Дар он мутахассисони соҳаи китобдорӣ иштирок намуда, дар бораи китобҳои бачагона: вазъ ва пешомадҳо, ҳуҷҷату санадҳои меъёрии танзими фаъолияти китобдорӣ, вазъият, фароҳамоварӣ ва ҳифзи захираҳои китобии китобхонаҳои ҷумҳурӣ ва оид ба ҷаҳони иттилоотӣ аз нигоҳи китобдори пешсаф маърӯза менамоянд.                 Тавре мухбири АМИТ «Ховар» хабар медиҳад, семинар 3 рӯз идома хоҳад ёфт.