ИШТИРОКИ «ПАРВОЗ» ДАР ҶОМИ ПРЕЗИДЕНТИ ТУРКМАНИСТОН

                 Душанбе, 4 феврал. (АМИТ «Ховар», Пайрав Назаров). — XV-умин мусобиқаи байналмилалӣ оид ба футбол барои дарёфти Ҷоми Президенти Туркманистон 19 феврали соли ҷорӣ дар Ашқобод оғоз мегардад.                  Ҷумҳурии Тоҷикистонро дар ин Ҷом дастаи «Парвоз» муаррифӣ хоҳад кард. Ҷоизаи умумии мусобиқа 35 ҳазор доллари ИМА-ро ташкил медиҳад.                  Мусобиқа барои дарёфти Ҷоми Президенти Туркманистон бори 15-ум аст, ки баргузор мегардад. Дар тӯли 14 соли баргузории ин мусобиқа Ҷом ҳамагӣ 3 маротиба берун аз Ашқобод шудааст. Аз ҷумла соли 1998 дастаи «Истиқлол»-и Эрон, соли 2002 дастаи «Торпедо» — и Кутаиси аз Гурҷистон ва соли 2006 дастаи «Дачия»-и Кишинёв онро соҳиб шудаанд.