БОНКИ «ЭСХАТА» ҚАРЗҲОИ КРЕДИТИРО АФЗОИШ МЕДИҲАД

                       Душанбе, 13 март. (АМИТ «Ховар», Покиза Маҳмадбекова). — Ҷамъияти саҳомии кушодаи (ҶСК) бонки «Эсхата» барои муҳоҷирони меҳнатӣ тарзи нави гирифтани чиптаро бо роҳҳои кредитӣ дубора ҷонок кард. Тавре аз бонки мазкур ба мухбири АМИТ «Ховар» иттилоъ доданд, ин тарзи нави хизматрасонӣ бо назардошти беҳтар намудани ҳадафи аслии қарздиҳӣ — рушди соҳибкории хурду миёна ва қонеъ гардонидани талаботи эҳтиёҷмандон, роҳандозӣ шудааст.                      Бояд қайд намуд, ки ҶСК бонки «Эсхата» ба бӯҳрони молиявии имрӯза нигоҳ накарда ҳаҷми сандуқи қарзии худро зиёд менамояд. Ба санаи 1-уми марти соли ҷорӣ ҳаҷми сандуқи қарзии бонк беш аз 162 миллион сомониро ташкил дод, ки ин нишондиҳанда нисбат ба ҳамин давраи соли гузашта 80 фоиз зиёд аст.                     Дар ду моҳи охири соли равон бонки «Эсхата» ба маблағи зиёда аз 43 миллион сомонӣ ба ду ҳазор нафар қарзҳои кредитӣ додаст.