ОЛИМОНИ ҶАВОНИ ТОҶИК ДАР КОНФРОНСИ ИЛМИИ «ЛОМОНОСОВ – 2009» ИШТИРОК МЕКУНАНД

                   Маскав, 15 апрел. (АМИТ «Ховар», Ҳалима Хушқадамова). — Дирӯз дар Китобхонаи илмии Донишгоҳи давлатии Маскав ба номи М.В.Ломоносов конфронси байналхалқии 16 — уми илмии донишҷӯён, аспирантҳо ва олимони ҷавон кушода шуд. Конфронс бо кӯмаки Фонди байнидавлатии ҳамкории гуманитарии давлатҳои ИДМ баргузор мегардад.                   Дар он аз тамоми минтақаҳои Русия, мамлакатҳои ИДМ ва 20 мамлакати хориҷӣ зиёда аз 12 ҳазор нафар олими ҷавон иштирок дорад. Барномаи он гузаронидани олимпиадаҳои талабагон, конфронсҳои илмӣ, озмуни асарҳои илмӣ ва барномаҳои навоваронаи олимони ҷавонро дар бар мегирад.                   Мухбири АМИТ «Ховар» хабар медиҳад, ки дар конфронси мазкур аз Тоҷикистон 15 нафар донишҷӯ ва аспирант иштирок менамояд.                                                                               Тарҷумон — Қудратов А.