ҶИҲАТИ ҲИФЗИ ТАБИАТ БАРНОМАИ ДАВЛАТӢ ҚАБУЛ ГАРДИД

                      Душанбе, 20 май. (АМИТ «Ховар», Лаззат Диловарзод).- Бо мақсади амалисозии «Барномаи давлатии рушди ҳудудҳои табии махсус муҳофизатшаванда барои солҳои 2005 — 2015», ҷиҳати рушди устувори биологӣ — экологии минтақаҳои мамнӯъгоҳи давлатии табиии «Бешаи палангон» ва барқароркунии саксаулзорҳо дар майдони 35 гектар тухми саксаул кишт карда шуд, ки имрӯз сабзиши он мӯътадил мебошад.                      Бо мақсади баланд бардоштани донишҳои экологии аҳолӣ маърифатнок намудани сокинони ноҳияҳои гирду атрофи мамнӯъгоҳи «Бешаи палангон» ва ҳифзу нигоҳдории олами набототу ҳайвоноти нодири мамнӯъгоҳи мазкур, Маркази экологӣ ба ҳама таҷҳизоту маводҳои зарурӣ таҷҳизонида шудааст.